Zoram Loneitu

Editor

Dr. C. lalzarliana

Directorate of Agriculture

(Crop Husbandry)

Joint Editor

C. Lalnithanga

Directorate of Agriculture

(research & Education)

Lalrinliana

Joint Director of

Agriculture

News Editor

Rohmingthanga Colney

Deputy Director

(Extension)

Circulation Manager

George Lalthanngura

ASSO

Members

Dr. H. Saithantluanga

Deputy Director (Planning)

R. K. Nithanga

Deputy Director (Oil Palm)

J. Rothanga

SO-cum-AS

C. Lalnithanga

APPO

Tlangtimawia Zote

Insecticide Analyst

R. Zoramthanga

SMS (Forestry)

Editorial ……………………………………..……….2

General Section :

1. Better Late Than Never ……………….……..…..3

Khawtinthanga Ralte

2. Oil Palm Factory Lungphum Phum ………….….7

K. Kapchungnunga

3. Leiṭha leh Rannung Thahna Tûr Hlau lovi ……..10

J. Lalnuntluanga

4. Jubili Dar Ri leh Ram Chawlh Kum ……........…13

Lalmalsawma

5. Mi hlawhtling Huang ………………………..….16

Technical Section :

1. Bekang Rah Sawngbawl Dan, etc …………...…19

George Lalthanngura

2. Improved Jhum ……………………………....…23

C. Lalnithanga

3. Sum Chang Thlai Chin ……………….........…...27

V. L. Zidinga

4. Oil Palm Ching Uar Ang U ……………….....…32

H. Neihchhunga

5. SRI leh IP-a Bug Chingtute Mamawh ….............37

Lalnunmawia

Regulars :

1. Kan Chet Velna ………………………….….….41

2. Keimahni ……………………………….……....44

Contents

ZORAM LONEITU VOL. 57 NO. 4 : JANUANRY – MARCH, 2013

- 1 -

EDITORIAL

Rim tak leh hah tak, bianga thlantui luang zawih zawih khawpa

thawka ei hmu tur kan nih thu Bible-ah kan hmu a, Zoram ei leh

bara a intodelh theihna tur atan leh ramin hma a lo sawn ve

theihna tur atana thawktu kan nihnate hre reng ila, rilru leh ngaihtuahna bakah

theihtawpa thawkchhuak tur, inthlahdah leh awm awl mai mai hman lo, kan hmaa tih

tur awmte hlenchhuak thei turin kan inbuatsaih thar fo a ngai a ni.

Thawktute inpekna leh thawhrimna azarah Departrnent-in hmingṭhat leh fak a

lo hlawh ve a, chu hmingṭhatna chu chhawm nung zel turin ṭan la thar zel ila, kan

thiamna leh hriatnate dah tuiek mai lova chher hriam belh zelin, Zorama

kuthnathawktute leh mamawhtu dangte chhawr phak tura luanchhuahtirin, kan ram,

kan chenna tur leh ei leh bar tur kan tharchhuahna tur atana Pathian min pek hi

hmangaiha humhalh tlat hi thawktute mawhphurhna a ni.

Kharif Season kan lo hmang chho leh ta a, hengah hian Department hmalakna

hrang hrang bakah loneitute hmalaknate a hlawhtlin theihna turin ṭan la thar zel ila.

Keimah lo chu mi dang an awm chuang lo a ni, ka thawh loh chuan hlawhtlinna leh

hmasawnna kan ramin a hmu thei dawn lo a ni tih rilru pu chunga thawk turin kan

inngen a ni.

Tun hnaia Mizoram Agriculture Service-a tling tharte Orientation neihpui an

nih khan a hlawkna teltu chu anmahni bakah Officer thawk mek te, zirtirna petute

kha an ni. Hei hian hnaah tuina leh chona thar a rawn thlen bakah intuaihriam zel a

pawimawhzia a tilang chiang hle.

Zirlaiin a zirlai a hriat chian/thiam chuan exam-naah a tiṭha ṭhin angin kan

hnate hre chiang ila, pawn lam fakderna leh hmingṭhatna ringawt um lovin, chhungril

lam zawkah kan rilru daha theihtawpa ram tana thawk turin puanven i sawichhing

tlang teh ang u.

(DR. C. LALZARLIANA)

ZORAM LONEITU VOL. 57 NO. 4 : JANUANRY – MARCH, 2013

- 2 -

BETTER LATE THAN NEVER

- Khawtinthanga Ralte

Dinthar Tlang, Aizawl

Vawiina ka thu chhiar beng lut tak chuan min deng na-in min tiharh chiang

hle. Russia rama arsi tla, van boruaka puakdarh thawm chu a na ngiang maw! Hliam

lah an tam, hmar tawp reta thil thleng a ni bawk a, a rim ara hriat ni bawk lo nen kan

táw pawh a sài lo a ni ang. He thil thleng ai chuan ka thu chhiar hian mi a ṭhuah hneh

zawk.

Kei ve tehlul hian Agriculture hmasawnna hi ziak ve fo tur emaw ka nih le?

Ka ṭhahnemngai ve hian a ṭangkai mial dah law maw tiin ka'n thai ve leh ngawt ṭhin

hi, hái tawh ila, mite hian báwm ak thu lekah hian min lo ngaihsak reu reu ang tihte

pawh ka ngaihtuah a. Mahse, he thu ropui, ngaihtuahna sáwi nghing dawt thei, ka

ngaihsan em em thute ka'n hriat tak bawk si avangin zah theih loh kan chhuah leh

chawt a. Chutah mah, a cheimawina tih pah fawmin a thupuiah sap ṭawngte kan dah

ve ngawt a ni a, nuih ti zain, “Tlai Luat A Awm Lo Ve” kan tih tir ve deuh a nih hi!

Bihar State-a loneitu Rakesh Kumar-a chuan ram hectare khat (ṭin 2

𝟏

𝟐

hmun)

zelah Alu ton 108.80 (1080 qtls) a thar a, khawvela Alu thar tam ber (hlawk ber)

record a siam. He pa hi Nalanda District Sohdih khuaa cheng a ni. Midang, he

district-a mi thoin nikum lamah khan Alu ton 72.90 (729 qtls) hectare 1-ah a lo thar

tawh bawk. Bihar State hian khawvel hriat thamin thlai an thar hnem hle ṭhin.

Nalanda District Magistrate, Sanjay Kumar Agarwal chuan, ―Rakesh Kumar

hian Organic Farming hmangin Alu thar chhuah tamah world record thar a siam ta,‖

a ti heps mai! A ropui helh helh mang e! Zoram tan awh nachang i hria ang u. “Hei

hi experts te, scientist te leh official ten an finfiah a ni,” a ti bawk.

Alu bakah Buhhum (Paddy) thar tam lamah pawh Nalanda District loneitute

an duai lo. Tun hnaiah loneituten Buhhum hectare kat zelah 224 qtls an thar a, world

record an siam tawh bawk. He District hi Bihar Chief Minister chhuanawm, ram tana

mi inpe Nitish Kumar chenna khua awmna District a ni nghe nghe. Kalvari chanchin

tih lohah chuan a ropui rem rem mang e! Source : The Aizawl Post 19.2.2013.

Tichuan, Zoramah pawh hian Agriculture Department Field Officer lam ten

State dang hmasawn dante zirchiangin an enchhin chho zel a. Buh-bal thar lama mi

tui mite chuan an sawi huai huai SRI method-a buh chin hlawkzia hriain an bei chho

zel a, tunah chuan nasa takin hmasawnna duhawm tak kan hmu ta a ni. Buh bul tina

ZORAM LONEITU VOL. 57 NO. 4 : JANUANRY – MARCH, 2013

- 3 -

buh peng tam tak tak tlim hmur mai TV a min han hmuhtir leh buh seng hun lai, buh

vui, vuak zék ang maia vual chulh mai, a hmin eng sur mai, uai hnuang hnuang, bawr

luih mai si min han hmuh tir ṭhin mawlh mai hian mahni ta fang tekhat mah a awm lo

chungin Zoram ta a ni miau a, awm a ti nuam a ni ber. Sawithiam a har, hrilthiam a

har tih hla ang deuh khan thinlungah thu a sawi ṭhin. Heng kan han tarlante hian

nangmahah thu a sawi ve em?

Tin, thlai pawimawh pawl tak Alu hi Zoramah tlang sang lamah tlem té te lo

thar ve bawk mahse, sawitham a awm lo a ni ang. He thlai hi khawpui lamah phei

chuan kan chawhmeh leklam pawl ber a ni tawh mai. Sikul naupang zawng zawng

hian tiffin-ah an pai zin ber pawl a niin rentin daih chawhmeh a ni. He thlai hi thlasik

thlaia chin a ni ber a, phai lamah, thlasik hnaih tawh September, October leh

November-ah te an ching ṭhin. Heng huna chin hi a seng hun, ṭhal nawm lai a ni a,

engkim tih a awlsam a, dahṭhat dan pawh a remchang a. Hetiang tihna hmun tur hi

phai lamah hmun kan la ngah mai.

Tlang sang lamah chuan February/March thla velah an ching ber. Chu chu fur

ruahtui thlen hnu lamah a thar a. Seng a buaithlakin a chhe duh a. Hei hi chu

insawihmuh vak chi niin a lang lo, a chi siam nan a tawk vel awm e. Zo sáng tak ni

lo, zo kài chin ve deuhah hian a chi chhuah tur bik ching ila, Alu thar a lian lo va, a

chi rual lek lekin a thar a, chu chu thlasik thlai chi atan dah mai a remchang hle.

Hetiang hian ram hla tak taka a chi tur kan chawk luh hi tum tak tak chuan a tihtawp

theih a rinawm.

Ka vision-a a landan leh ti thei ila kan hlawhtlinna tur nia ka hmuhte :

1. Heng buh chin hlawk em em dan leh Alu hleihluak taka hlawka an thar mai

dan hi Zoram loneituten an hre ve ngei ngei tur a ni. Zoram loneituten hetiang taka

hlawka an chin theih (thiam) vena tur hi ngaihtuah chhuah hmasak ngei ngei a ṭul.

Heng hma thar la tura thil chi hrang hranga a kul a taia ṭang turte hi rah hmuh theih

ngei chhuah tura hma la mi (result-oriented) chauh thlan ngei ni se la, Zoram tana

hmalakna ṭangkai a ni ngei ngei ang. Chumi ngaihtuah tur chuan Committee or Board

emaw siam thuai tur a ni.

2. Chuta member turte chu, hetiang kawnga a ngaihna hria, Zoram ṭhatna tak tak

duh, mi taima leh rinawm, hriatna zau, ti mai mai lo mi, prominent citizen uluk taka

thlanchhuah ni se. Director of Agriculture leh he lama hriatna nei ṭha, mithiam

Officer pakhat tel bawk se la. Chu chu changtu Minister-in ho se la. Member ruatah

hian committee ngaipawimawh mi ni ngei bawk se. Hengho hian Nalanda District

ZORAM LONEITU VOL. 57 NO. 4 : JANUANRY – MARCH, 2013

- 4 -

Sohdih khuaa Rakesh Kumara ngei pawh zu luhchilhin a hnen aṭang leh Agriculture

Department, he lam buaipuitute hnen aṭangin a zir tur zawng zawng zuk zir chhuah

vek dan turte ruahman se la.

3. A hmuna zu train tur hian Department mi, he lam tui mi tak, mi fel thek

thawkin zu ho se la. District hrang hrang aṭangin loneitu Alu chin lama tui mi or tui

thei tur mi taima, tuarchhel leh tumruh, tih tak taka thil ti mi leh hetiang tho hian buh

chin lama mi tui sa, lo hlawhtling tawh ṭhin, a chunga sawi lan tawh ang mi tumruh

10 (sawm) vel khaw hrang hrang aṭangin thlan ni se. Duhsak zawng thlang mai lovin,

ti tak tak tur, a khaw mite (vengchhung mite) pawh ina an rin ngam thlan ni ngei se.

A ṭul dan anga practical pawha han enchhin zel ni ngei se la. A ṭul dan a zirin hun

hmang rei deuh mai rawh se. Lo hrehawm deuh mahse chhel takin tuar chhuak se la.

Kan CM zahawm tak hian Bihar CM hnenah hian an hnathawh hlawk tak zirchhuak

tura Mizoram lonei mite Buh leh Alu chin hlawk kawnga an hmalak dan uluk taka an

lo entir leh hrilh hriat theih nan lehkha ṭha taka ziak ken tir ngei se la. Mi pawimawh

zual present tur Mizo hnángtah lukhum nalh tak tak ken ngei ni bawk se la. Nuclear

ralthuam siam dan em ni lo chu an lo hrilh ṭha duh em em ang.

4. A kal turte hian kawng engkimah inring lawk takin Note bute mai bakah

Laptop te, Video Camera te kengin, a hriat tur chi zawng zawng dilchhut takin,

chipchiar tak leh fimkhur takin hrechiang vek a, mitthlaa hmu vek leh mumang lama

mangphan ram ram tur khawpin zu bei se la.

An rawn hawn hunah pawh ṭhut bo pui mai lovin, hmanrua leh iptepui nena a

chin huna buaipui tur chi zawng zawng lo indap lawk vek se la. Magazine chi hrang

hrangah te leh TV leh Daily Newspaper-ah te pawh chhuah chuai chuaia awareness

nasa taka neih ni se la. NLUP hming kan vawrh tam ang tak hian vawrh darh zau ila.

Area zau lo deuha thar tam hi kan tan a ṭha ber. Zoram tan kan Number One a ni. Alu

chungchang bik hi han sawi zau deuh ila, kan ṭhatpui hma theih ber tur leh hun rei lo

leh hun nuam Climate nawm lai ni bawk sia hun hman theih a nih avangin kan rilru

mil zawng tak pawh a nih a rinawm.

Zoram puma leilet enkawl lai mek nei zawng zawng kum khata buh vawi khat

bak ching lote hian a vawi hnih nan he Alu thar hlawk hlei hluak tak an zir (train)

chhuah tak anga chin theih nan buatsaih se la. Chutianga an chin theih nan a ṭul

zawng zawng NLUP sum aṭangin (NLUP angin) emaw Sorkar-in buatsaih se la, leilet

awmsa aṭang pawh hian Alu hmun hectare tam tak Zoramin a nei thei ang. Tin, hei

bakah ka sawi ve fo ṭhin thlasik Alu chin hi Zofate tih mi ni ngeiin ka ring a. Favang

lam phai lam boruak nawm hun, hnathawhna hun ṭhat lai a ni a, a seng hun hi khaw

ZORAM LONEITU VOL. 57 NO. 4 : JANUANRY – MARCH, 2013

- 5 -

nawm lai, thlai thar sawngbawl leh thawnchhuah nawm hun leh dah rei theih hun a

nite hi a ṭhat em em na chu a ni. Tin, heng leilet bakah hian Zoram khawthlang lam

luidungah te khuan Alu chin nana itawm tak tak a awm nual a ni. A thawh hun nawm

lai, a ni leh a hun chhung a rei lo bawk nen, a hlawk bawk dawn si nen tia han

ngaihtuah chuan hun rei lotea kan sum hnar ṭha tak tak tur tih ngaihtuahin zan mut

hmunah te Teirei dungte khu ka fang ka fang ṭhin.

Mi tam takin Zofate hi thatchhe hnam kan ni an ti a, ṭhenkhatin kan thatchhe

lo, tun hma pawha intodelh, taima hnam kan ni an ti bawk a. Hun a danglam ang hian

kan lo danglam ta zel a, kan tihdan hlui (pangngai) ang tlangram loneih insawn reng

mai kha zawng taimakna tlak vak a ni lo a ni ang.

Amaherawhchu, hetiang taka Buh leh Alu Bihar pa ina a'n thar hlawk ang tea

thar ve tura mi tumruhho han sang sek thar se la, Sorkar-in chu lam chu hawi tlat

bawk se la, a hlawk na na na chuan kan taima em em ang.

Leilet buh chin pawh, Alu chin pawh, kan ramah duh anga ram ṭha zau tak tak

kan neih loh hi kan vaiin kan hria. Chuvang tak chuan a area zau lo va, tam tak

Buh/Alu thar dan hi kan hre ve ngei ngei tur a ni a, tichuan a takin kan thar ngei ngei

tur a ni tih hi a mawhphur thei tur chinte chuan i vawng tlat ang u.

Kan thu khar nan Pathian thu khal tak hi hmang ila —

1. ‗I damchhung zawngin rim taka thawkin a rah i ei tawh ang;….. i hmaia thlan tui

luang zawih zawihin chaw i ei tawh ang.‘ Gen 2:17,19.

2. ‗Kan mite chu tlakchham an neih ngai loh nan hna ṭangkai thawka in hmang reng

turin fuih la, an awm mai mai tur a ni lo.‘ Tita 3:14.

3. ‗Tu pawh hna a thawh duh loh chuan ei pawh ei suh s.‘' II Thes 3:10

4. ‗Thawhrimna zawng zawngah hian hlawkna a awm.‘ Thufingte 14:23

Mizo Kristiante hi Miissionary thawnchhuak hnem leh Bible Society-ah pawh a

tiṭha ber pawl hian a chunga Bible thute hi kan páwisa dawn lawm ni? A la tlai lua lo

ve, mihring kan piang pung zel dawn. Nasa taka beih zel a hun. Hotu lianten

tipuitling ngei turin ṭan la teh se.

Ka lawm e.

ZORAM LONEITU VOL. 57 NO. 4 : JANUANRY – MARCH, 2013

- 6 -

OIL PALM FACTORY

LUNGPHUM PHUM A NI

- V. Kapchungnunga

Chairman

Oil Palm Zonal Committee,

Lunglei District

Mizoramah hian Oil Palm hi a chin ve theih dawn leh dawn loh enchhin nan

kum 2000-ah Pu P. C. Lawmsanga, tuna SDAO, Tlabung hian helai Rotlang hmunah

hian enchhinna an lo nei tawhin Oil Plam hi hlawhtling takin Mizoramah pawh chin

theih a ni tih an enfiah tawh a. Hemi kuma an kûite chu Pachang velah khian phun a

ni a. Tunah chuan a puitlingin a kung pawh lian tak tak a niin a rah pawh eng emaw

zat hralh a ni tawh a. Tichuan, Mizoram Sorkar pawhin tih tak taka hma lain kum

2004 khan Mizoram Oil Palm Act-te buatsaihin Mizoram rorelna sang ber,

Legislative Assembly-ah passed a lo ni ta a ni.

Lunglei District-ah hian kum 2005 aṭangin tih tak takin Oil Palm hi ching

turin hmalak ṭan a ni a. Mizoram hmun hrang hrangah Sorkar pawhin Oil Palm chin

hlawhtlin a nih theihna turin Company hrang hrangte nen MoU an ziak a, Lunglei

District min enkawl tur leh min vil turin Godrej Company-te chu Sorkarin MoU a

ziahpui a. Godrej Company-te hian theihtawpin ṭan an la a, loneitute pawh kan phur

hle mai a. Amaherawhchu, vanduaithlak takin farmer-ten phur tak leh ṭhahnemngai

taka hma kan lak laiin kum 2006, kum laihawlah Sorkar khan ko thlak thutin Godrej

Company aiah Ruchi Soya Industries Company Ltd.-te Lunglei District atan MOU a

ziahpui leh ta a. Hei hi nasa takin loneituten kan tuar a, a chhan chu hetianga

Company-te an inthlak avang hian kum 2007-ah Oil Palm chi dawn tur loneituten

kan nei mumal lo va, kan thlai chin zuva leh a thite thlakna tur kan nei lovin nasa

takin harsatna kan tawk a ni.

Kum 2008-ah Ruchi Company-ten tih takzeta hma lain Nursery-te an buatsaih

ṭan a, ṭan an la nasa hle. Amaherawhchu, Mautam lai a nih avangin hun hmasa lama

Oil Palm kan chinte leh hemi kuma kan phunte chu zuvain min seh zawh sakin Sik

leh sa avangin a there zo deuh vek a. Chuvangin Lunglei District-a Oil Palm tih

takzeta hma kan lak lehna chu kum 2009 aṭangin a tih theih mai awm e. Department

lam leh Company lam ten Oil palm chin hlawhtlin a nih ngei theihna turin ṭan an la

reng a ni.

ZORAM LONEITU VOL. 57 NO. 4 : JANUANRY – MARCH, 2013

- 7 -

Kum 2009-a Congress Sorkar thar lo piang chuan kuthnathawktuten lei rem

kan rah ve theihna tur leh eizawnna ngelnghet kan neih theihna turin NLUP Flagship

Programme-ah hmangin chak takin hma an rawn la a. Oil Palm pawh Mizoramah

chin hlawhtlin a nih ngei theihna turin kan Minister, Agriculture Department changtu

Pu H. Liansailova hovin tih tak zetin hmalak a ni a, NLUP-ah pawh Trade-a thlan

theih turin min chhawpchhuahsak a, a chungah hian Oil Palm chingtute kan lawm em

em a ni. Tin, hemi kawnga chak taka hma min laksaktu tur leh a ngaihna hria, DAO

fel leh zam ṭha, loneitute hmakhawngai mi tak Pu R. Lalnunzira min han pe lehzelte

hi kan lawm em em a ni. Keini Lunglei District-a Oil Palm chingtute hian kan DAO,

kan SDAO te leh an thawhpuite chungah hian lawmthu kan sawi a ni. Kum 2011-a

DAO thar kan neih aṭang hian Oil Palm chin lamah pawh hmuh theihin hma kan

sawn a, Ruchi Company-te pawhin nasa lehzualin ṭan an la a, kan lawm em em a ni.

Kan Minister zahawm tak Pu H. Liansailova hian Lunglei District-a

kuthnathawktuten eizawnna ngelnghet kan neih ve theihna tur te, Oil Palm chin

hlawhtlin a nih theihna turte hian Sorkar leh mimal ang pawhin ngaihtuahna min

hmansak a. Chuvangin, ni 11.5.2011 khan ama ho ngeiin NLUP Implementing Board

Chairman Pu Selṭhuama, MLA te, Director of Agriculture (Crop Husbandry)

Dr. C. Lalzarliana te, NLUP lama hotu pawimawh tak takte leh Agriculture

Directorate lama hotu pawimawh tak takte nen, Lunglei District Oil Palm Zonal

Committee hi min dinpui hial a ni. Hetiang hi District dangah a la awm ve lo va, kan

vannei hle a ni. Tin, ni 4.10.2011 khan Arts & Culture Hall, Lungleiah Lunglei

District pum huapin ‗Oil Palm Awareness Campaign‘ min neihpui bawk a, loneitute

kan thlamuangin kan lawm takzet a ni.

Ni 11.5.2011-a Zonal Committee-ah thil pawimawh tak tak kan rel, min rawn

tihhlawhtlinsak te tarlang ila —

1. Zawlpui-ah Agriculture Rest House emaw a tlukpuia hman theih tur sak ni se tih

a ni a. Tunah hian FFB Collection Godown-cum-Rest House tur hi Zawlpui-ah

leh Lungsen-ah sak ṭan mek a ni.

2. Ruchi Soya Industries Pvt. Ltd. te hian Oil Palm sawngbawlna (herna) tur

factory, Rotlang-ah hian bun thuai se tih chu kan Minister leh Director-te

ṭhahnemngaihna avangin ni 19.2.2013 khan Factory lungphum phum a lo ni ta hi

ropui kan ti hle a ni. Hei hi Lunglei District tan chuan Mel Lung pawimawh tak a

ni.

ZORAM LONEITU VOL. 57 NO. 4 : JANUANRY – MARCH, 2013

- 8 -

3. Oil Palm Intercrop (thlai chin pawlh tur) chungchang hi farmer-ten kan

ngaipawimawh em em a, a rang lama ngaihtuah ni se tih chu kum 2012 aṭang

khan tihhlawhtlin a ni.

4. NLUP 1

Phase-ah khan Oil Palm Trade-a thlang duhtuten harsatna kan tawh

avangin Lunglei District-ah chhungkaw 41 chiahin an thlang a. Loneituten an

duh (tui) zawng ngei Trade-a an thlan theih dan tur ngaihtuah ni se tih chu

Sorkar-in min ngaihpawimawh sakin NLUP 2

Phase-ah chuan chhungkaw 478

laiin an tuina ngei Oil Palm chin chu NLUP Trade-a an lo thlang thei ta hi a

lawmawm em em a ni.

Khing a chunga kan sawi takah khian thil tam tak sawi tur a awmin hetiang

taka kuthnathawktute hmakhawngaitu leh min hmangaihtu Congress Sorkar, kan

Minister leh Director leh a thawhpuite chungah hian lawmthu kan sawi tak meuh

meuh a. Hun lo kal zel turah min hlamchhiah mai lova min rawn hre reng turin ka

ngen a ni.

A tawp berah chuan kuthnathawh hi i zak lovang u. Pathianin thawk theia min

siam hi ka lawm a ni. Ruling Party-a awm a, therhlo eng eng emaw leh contract

ringawt beiseia kan intlansiak huai huai hi sim a hun ta. Kan ram ei leh bara kan

intodelh theihna tur leh hnam zahawm kan nih theihna tur chuan ram leilung

hausakna nena kan inzawm tlat hi a ṭul a ni. Congress Sorkar-in mi retheite mahni

kea kan din ve theihna turin NLUP hmangin bul min ṭansak a, a hlawhtlinna chu kan

mawh a ni. Kan ramin eng nge min tihsak theih tih ngaihtuah lovin, kan ram tan eng

nge ka tih ve theih tih a hun ta. Pathian hian kan awm mai mai hi malsawm min tiam

lo. Bianga thlantui far zawih zawiha hnathawk turin min ti. Chumi piah lamah chuan

malsawm min tiam a ni. Chu a malsawmna dawng tur chuan nasa lehzuala thawk

turin Zoram loneitute ka sawm che u a ni.

Ka lawm e.

ZORAM LONEITU VOL. 57 NO. 4 : JANUANRY – MARCH, 2013

- 9 -

LEIŢHA LEH RANNUNG THAHNA TÛR

HLAU MAI LOVIN

- J. Lalnuntluanga,

Bilkhawthlir

Eikhawp thar kan tumnaah hian harsatna hrang hrang kan táwk fo ṭhin a, kan

thawhrimna pawh a chang chuan a thláwn fo. Mi taimate tan lo chuan hlawhtlin tum

ve ngawt chi a ni lova, rim taka thawkte pawh an hlawhtling fo kher chuang lo. Buh

leh thlai chingtutena harsatna kan tawh chu kan lei a lo da a, kan thlai chin a hlawk

thei tawh lova, natna hrik leh rannung ten kan thlaite min tihchhiat sak bawk vang a

ni. Chutih lai mek chuan ṭhenkhatin hrechiang inti fahranin leichiin kan ram a tichhia

tiin chemical fertilizer kan hmang duh lova, hriselna atan a ṭha lo tiin natna hrik leh

rannung tûr hman kan hlau em em bawk a.

Chemical Fertilizer-in ram a tichhia tih leh rannung tûr a hlauhawm tih vel hi

chu Agriculture mithiamte leh Doctor-te pawhin an hre ngawt ang. Ţhenkhatin ruihna

atana an ṭhin damdawi ṭhenkhat hi ‗ruihtheih a ni‘ tiin Doctorte'n damlo an chawh lo

ngawt lo, damlo tana a pawimawh avangin a mamawh tawka hmang/ei turin a chawh

mai zawk a, ‗Doctor damdawi min chawh hi miin ruih nan an hmang ṭhin a, chuvang

chuan taksain a ngeih lovan‘ kan ti kher ngai lo. A chhan ni bera lang chu dam kan

duh vang a ni. Chemical fertilizer leh heng pesticides kan tihte erawh a tel lo pawha

nung thei nia kan inhriat avangin kan duh ta lo deuh a ni mai thei e, mahse, heng tel

lova nun hi ngaihtuahna han sen deuh chuan a harsa khawp a lo ni a. BHC pawh tûr

hlauhawm táwp a nih rualin malaria vei ai chuan tiin thosi kahna atan chauh chuan

hman phal a la ni a. Tun thleng hian cancer a thlen thei a ni ti mah ila malaria-a thih

puk puk ai chuan kan la hmang mai zawk a ni. Leiṭha leh tûr tel miah lova thlai huan

siam/enkawl pawh hi duhthusama ṭha ni mah sela kan thlai tharte kan ei seng lo a nih

ngawt loh chuan a bik takin buh hmunah lek phei chuan sawi sawi chi pawh niin a

hriat loh.

Natna hrik leh rannung tûr hman chungchanga ‗Ei tur neih lova thih nge kan

thlan a, tûr tlem tlem eia rei tak dam‘ tia Scientist pakhat thusawi kha ka ngaihtuah fo

ṭhin a. Keini ang dam rei duh tan chuan tûr tlem tlem eia rei tak dam chu a thlanawm

zawk daih. Doctor-te damdawi chawh pawh a composition en kher lova ei ve mai

zingah vawiin ni thleng hian ka la tel ve tho.

ZORAM LONEITU VOL. 57 NO. 4 : JANUANRY – MARCH, 2013

- 10 -

Kan ram zim te, buh hmun zim te, buh eikhawp pawh kan thar chhuah theih

loh laia leiṭha ka hlau, rannung tûr ka hlau kan han ti vel hi chu ‗kan dawn chiang lo‘

mai a ni lo maw. Hetiang hian i ti teh ang:

1. Leiṭha hman i zir ang u : Amah ngawt chuan kan lei/leilet hian khawi aṭang

mahin thlai mamawh chaw a nei ngawt lova, Siamtu Pathianin a ruat ang zelin, hnim

ṭawih aṭang te, ni zung aṭang te, leia hrik te reuh te te awm aṭang tein a lo insiam ṭhin.

Kum tina kan buh leh thlaiin a mamawh leia awm thlai chawte hi kum a lo vei chuan

thlaiin a lo eiral ve a, hlawk taka thlai thar fo kan duh a nih chuan an chaw tur leiah

kan dah let ve a lo ngai a. Buhfai ton khat thar turin micro nutrient hrang hrang kan

tih bakah Nitrogen 20 kg, phosphorus 4-5 kg, Potassium 20-25 kg vel mamawh nia

hriat a ni. Hetiang zat vel leiṭha hi buh ton khat thar reng tur chuan kan leilet/huanah

khan a awm tur a ni. Thlaiin a eiral zat thlai chaw leiah kan dah let a ngai tihna a nih

chu. Chumi atan chuan ran ek emaw, thlai ṭawih emaw, chemical leiṭha emaw,

biofertilizer kan tih ang emaw kan hman a lo ngai ta a ni.

Chemical leiṭha hmang duh lo tan chuan ran ek emaw, hnim ṭawih emaw, bio-

fertilizer kan tih ang emaw kan hmang thei a. Amaherawhchu, ran ék, hnim ṭawih te

hi kan mamawh ram hactare khatah quintal 30-40 hman tur kan neih loh bakah a sum

senso a sang si, loneitute tan thil harsa a nih avangin leiṭha dang kan lo mamawh tel

ta em em mai a. Chuvang chuan Integrated Nutrient Management an tih fo hi kan

zawm mai a ṭha hle. Chemical leiṭha a hlauhawm lo tawka hman te, lei dur ṭha

siamna atan leh leia hrik ṭangkai tana chaw leh chenna ni bawk ran ek leh thlai ṭawih

hman pawlh te, bio-fertilizer kan tih ang hman te leh kan ram a chhiat lohna atana

thlai chin pawlh leh inchin chhawk chenin a huam vek a ni. Ran ek, thlai ṭawih

hmang tel lova chemical leiṭha chauh kan hman ṭhin avanga kan ramin a chhiat phah

ṭhin hi a pawi hle.

2. Rannung thahna tûr hman thiam kan mamawh : Mizopa rilruah chuan ‗tûr

chhin khat aiin chhin hnih a chak zawk‘ tih a la ni reng a. Doctor chawh damdawi

chu chhin khat a nih chuan chhin hnih kan ei hram ngai lo, chhin hnih kan ei khan

kan dam hma bik ang em tih erawh ka hre bik chiah lova, mahse, damdawi hnathawh

dan hria Doctor khan a tawka eiturin min chawh mai ṭhin. Doctor thu kan zawm ṭhat

viau lai hian thlai kahna tur atan chuan ‗tui litre khatah tûr chhin khat ni rawh se‘ tih

mawlh mawlh pawhin chhin thum kan la hmang lui ṭalh duh a. Engpawh nise

pesticide hman dik loh hian mihring hriselnaah a ṭha lo zawngin hna a thawk tih kan

hria a, chutih ruala thil pawi tak mai pakhat chu rannungin kan tûr hman a huat loh

ZORAM LONEITU VOL. 57 NO. 4 : JANUANRY – MARCH, 2013

- 11-

chin (resistance) kan thlentir palh chuan kap vak vak mah ila kan thah tum ber kha

kan ṭhelh daih dawn a lo ni.

Hemi kawngah hian Integrated Pest Management kan tih bawk hi kan zawm

tlàn a ṭha hle. Integrated Pest Manangement tum ber chu rannung buaipui tham

khawpa pung tur ven aṭanga harsatna min thlensaktu rannung tih rem a ni a.

Chemical pesticide/Inorganic pesticide kan tih hman ai chuan rannung inthlah pung

tur ven nana rannung tûi te, rannung chenna thlai tihchhiat te, rannung ei duh loh

thlai variety thlan chhuah thiam te, a hun taka thlai chi thlak te, kum hmasa lama

natna hrik/rannung awm ṭhin a zira damdawia thlai chi chiah (seed treatment) te leh

ni tin/kar tina rannung pun chak dan ena kan thlai an tihchhiat nasat dawn chauha

pesticides, a dose ang taka hman te, tûr chi khat chauh hmang lova, chi hrang hman

pawlhte a huam vek a ni. Heng zawng zawngah hian loneitute hian mawhphurna nasa

tak kan nei a. Rannungin kan thlaite a tihchhiat viau tawh hnua a kahna tur damdawi

ngaihtuah leh chuk chuk ringawt lovin, thlai chi kan lakkhawm aṭangin mahni thlai

venna kawngah hma kan lak ṭheuh a ngai a ni.

ZORAM LONEITU VOL. 57 NO. 4 : JANUANRY – MARCH, 2013

- 12 -

JUBILLEE DAR RI LEH RAM CHAWLH KUM

(Kan leilet lei te i titui thar leh ang u)

- Lalmalsawma

Subject Matter Specialist (Agronomy)

DAO’ Office, Kolasib

Kan Bible-a kan hmuh danin Juda-te khan an huan lo ramte tihtui thar leh nan

ram chawlh kum an puang ṭhin niin ka‘n mang hriat ve ruai a.

Kei ka tawn hriat aṭang chuan, kan Mizoram leilet (WRC-I) lo awm rei tawh

(upa tawh), a bik takin Kolasib District-a WRC-I zawng zawng deuh thaw khu buh

kan thar tam leh hlawk zawk nan, ram chawlh kum hman ṭul hlein ka hria.

Kolasib District-a leilet (WRC-I) te khu an upa tawh hlawm hle a, kan Chief

Minister ni lai mek Pu Lal Thanhawla pa te, Pu Vawmphunga te, Pu Zakhuma (Pu B.

Lianzela, Nubuangi Farm/Venghlui pa) te leh ṭha Pu Zahrenga te'n zum leh hriam

kara an lo thawh hah rah rawn par chhuak an ni hlawmin khulai vel leilet upat tawh

dan chu a chhui zawn theih mai awm e.

Helai kan sawi bial, buh chinna tura lei han sawngbawltu bera kan hman lar

ber chu, a tir phat aṭanga tun thlengin Bawng leh Lawi a la ni reng, Power Tiller-te

chu a ve chauh a la ni.

Bawng/Lawi ‗hal‘ (lei lehphutna hmanrua) in lei a zuk hai khawh thuk zawng

hi, a tlangpuiin inches 6 aṭanga inches 8 velte a ni chauh a, tui ṭhatnaah pawh a thuk

tawk lovin, duhthu a sam lo, amaherawhchu, a tui ṭhat dan leh a leiin a zir chuan feet

1 laite pawh a ni ve thei, Power Tiller pawhin hetiang bak chuan a khawih thuk thei

bik chuang lo.

Hetiang ‗hal‘ in inches 6 aṭanga inches 12 chauh mai, hmasang leilet din tirh

aṭanga vawiin ni thleng, a thuk zawng ngai leh ngaia kum tin maia an hai khawk

hian, ‗hal‘ chhun bak lei chunglang aṭanga inches 12-a thukah khan lei sakhal, lei

char, cement concrete ang maia char, mi thiamten ‗HARD PAN‘ an tih mai kha

R.C.C Building-a slap chhun ang maiin a inphan/phah phei tain, pawn boruak leh lei

chhung boruak inthlak zung zung tur te, tui insem ruala put tur lang thei lo, hnawng

lo khawlkhawm turte leh leiṭha, leiháng insemrual turte tan harsatna lian tak a thlen

ZORAM LONEITU VOL. 57 NO. 4 : JANUANRY – MARCH, 2013

- 13 -

phah tain kum tin mai khuan kan buh thar khu a hlawk lo tial tial, a vui han seng ve

teuh mah ila, a sikhawin a buh tak (rice) pai lo a tam ta hlein kan chin chhan ber a

buhfai tak a tlem hle.

Tun kan dinhmunah chuan, Mizopa tehkhawng takin buhhum ṭin khat (10 kg)-

ah chuan buhfai (rice) kg ruk (6) pawh leilet tam zawkah khuan a haw tawh lo. Buh

thar tam kan puan mek laia kan ṭhelh deuh pakhat chu buh lo ṭona tur a leilung chei

kan ngaihpawimawh hmasak tawk loh vang a ni thei awm e. A chin dan SRI (System

of Rice Intensification) a ni emaw (Improved Package of Practices) a ni emaw buh

thar hlawk chi Variety chin a ni emaw, a chinna, a ṭona tur leh thar hlawk leh hrisel

tura chakkhai a lakna ber, a leilung buatsaih lam ngaihthah si chuan kori hi a tu vak

lo a nih hi.

ENGTIN NGE KAN LEI CHU KAN TIHTUI ANG ?

Tun kum (2013) January thla khan, Aizawl-ah Agriculture Department-a

thawk Field Staff-te min ko khawm a, chutah chuan Champhai District Agriculture

Officer (DAO), Pu Lalthanzuala, M.A.S, mi hrat khawkheng, Agriculture tuipui em

emtu, Agriculture hmuchhuaktupa kan tihfiam hial chuan ‗power point‘ hmangin

Champhai leilet, ama ṭhahnemngaihna aṭanga a ngaihtuah ‗DEEP PLOUGH‘ hmang

tractor, a chunga kan sawi tak lei sakhal (Hard Pan) an suasam han hmuh chu District

dangte tan chuan chil a put duhin, a itsik awm hle mai. Kan leilet lei sakhal han bei

tur hian Tractor leh a leilehna hmanraw kim kan lei seng lovin, a khawih thiam

(operator) tan pawh a buai thlak ngei ang. Amaherawhchu, Lengpui Airport an laih

laia Tractor zozai leh Operator thiam tak takte kha ka mitthlain, man leh mual fel tak

leh ‗Agreement‘ fel tak nen chahluh ṭeuh tur kan India ram zau tak aṭang hian an

awm ka ring tlat, tumna chu awm se.

Heng Tractor rual leh a leilehna hmanraw kim leh Operator Expert-te rawih

nan sum leh pai ngai tur pawh hi RKVY, NFSM aṭangte hian kan pute hian an

ngaihtuah thiam ngei ang.

Tractor-te hian lei sakhal zuk tihkeh sawm piah lamah a lei tihdip (Tillage),

chinai thi (slaked lime) chawhpawlh (mix) te leh a field level, tui tam paihna tur

Drain siam thlengin hmatir turah inngai bawk ila.

ZORAM LONEITU VOL. 57 NO. 4 : JANUANRY – MARCH, 2013

- 14 -

Hetia Tractor nen duhthala kan leilet chinaite nena kan sawngbawl hnuah

thlai, lei tiṭhatu, entirnan; Dhaincha, Sunhemp, Cowpea te hnawng (moisture) awm

lai ngeiin han theh (Broadcast) leh ila, heng lei tihṭhatna thlaite hi an no duah ṭhat lai

ngeiin kan leiletah hian han chil phum/chawhpawlh leh ila zawng kan buh leh bal a

hlawk phah ngei ang.

Bawng ek emaw Farm Yard Manure (FYM) te hi kan duh khawp kan hmu tak

tak dawn lo ‗Green Manuring‘ a kan tih hi a Economical zawk, tin, Green Manuring

leilet leia han chawhpawlh hi tractor kher lo pawhin power tiller-te pawhin thil tih

harsa tawh lo tur a ni. Amaherawhchu, Green Manuring kan chin hun hi hnawng

(moisture) ṭhat lai ngei ni se, sawi leh sawi hnu, buh ching lo pawhin a kum khatna

na na na chu, ram chawlhtir i phal ang u.

Kan leilet zawng zawng kum khata chawlhtir a rem loh pawhin, a bial bialin, a

hmatiamin Green Manuring hi tih ni mai se, amaherawhchu, Tractor lei khawihtir leh

chinai thi chawhpawlh kha chu tih nghal vek ni se.

Hetiang kan leilet kan tihtui/là thar theih ngat chuan SRI (System of Rice

Intensification) IPP (Improved Package of Practices), INM (Integrated Nutrients

Managament), IPM (Integrated Pest Management) te hian kori a tu hle tawh ang, kan

buh thar tam lamah.

Tichuan, kan mamawh pawimawh turte chu Tractor leh hmanraw kim,

Operator thiam, chinai thi tam tawk, Green Manure Seeds-te an nih hmasak tak chu.

ZORAM LONEITU VOL. 57 NO. 4 : JANUANRY – MARCH, 2013

- 15 -

Mamit District NLUP Best Beneficiary

PU V. L. THLAMUANA

Mamit

Pu V. L. Thlamuana s/o Leha (L) hi Suarhliap khuaah kum 1934-ah a lo piang

a. Mamit-ah hian kum 1986 khan a lo pem lut a. An chhungkua hi hna duh mi tak an

ni a, an dam phawt chuan a sur a sa hnuaiah pawh hna thawk tura nitin chhuak ṭhin

an ni.

A nupui Pi Rokungi pa, Pu Rohmingthanga (L) ram, Mamit Chaltlang rama

mi hi kum 1996 khan ṭin 5 hmun, Rs. 3,500/- in a lei a, kum 1998-ah ṭin 5 hmun dang

a lei belh leh a, a la bang ṭin 18 hmun chu enkawltu an awm mumal tak loh avangin

kum 1999 khan Rs. 1,700/- in a lei zo ta vek a ni. He hmunah hian Fu chingin kum

2001 khan 10 qtls. kurtai an her chhuak a. Kum tin an Fu hmun hi an zauh zel a, kum

2007-ah chuan ṭin 10 hmunah Fu hi an ching khat ta vek a ni. Kum 2005-ah Fu herna

khawl, Diesel Engine Secondhand Rs. 23,000/- in a lei a, chuta ṭang chuan kum tin

40-50 qtls. vel an her chhuak thei ta a ni. Kum khata an sum lakluh hi Rs. 2,00,000/-

aṭanga Rs. 3,00,000/- vel a ni tlangpui.

Fu huanah hian nitin deuh thaw fehin hlawhfa pawh 5-10 vel a la ziah a, hlo

pawh kum khatah vawi li rih vur pahin an thlo chhuak ziah a, a thlawhfaina atana

hlawhfa lak nan hian kum tin Rs. 36,000/- vel an seng ṭhin a ni. Fu herna atan hian

anmahni tha bakah hlawhfa 4-5 vel an la ziah bawk a, hemi atan leh a phurhchhuahna

atan hian kumtin Rs. 55,000/ - vel an seng bawk ṭhin a ni. Tichuan, an senso zawng

zawng chu kum khatah Rs. 91,000/- vel a ni a, hlawhfa man bakah kumkhata an sum

hmuh dan tlangpui chu Rs. 1,30,000/- aṭanga Rs. 1,50,000/- vel a ni thung.

Pu V. L. Thlamuana hian Fu aṭanga a sum lakluh hian kum 2008 khan tuna an

chenna In, Assam type hi a sa a, kum 2012 May thla aṭang khan an chenna In bulah

Concrete in 36‘x24‘ ft. an sa mek bawk a. Ei chawp dawr pawh kum 2002 aṭang khan

an siam theih phah bawk a ni.

Kum 2011 khan NLUP ah Fu huan siam thlangin ṭin 2.5 hmun an zauh belh

leh a, an hnathawhah hian an tluang em em a, kum 2013 January thla khan Mamit

MI HLAWHTLING HUANG

ZORAM LONEITU VOL. 57 NO. 4 : JANUANRY – MARCH, 2013

- 16 -

District-a NLUP ti ṭha ber lawmman (1

Prize) an dawng nghe nghe a. He lawmman

hian Thuziak (Citation) leh Tangkafai Rs. 75,000/- a kengtel a ni.

Amaherawhchu, kum 2011 January/February thla vel aṭang khan Alzheimer's

Disease avangin Pu V. L. Thlamuana hi hnathawk ṭha thei lovin a awm ta hlauh mai

a, vanduai thlak takin he a natna hi 20 December, 2012 khan a boral phah ta a ni.

Agriculture Department chuan hetianga kut hnathawktu taima leh hmingṭhain

min boral san hi kan ui em em a, a kalsan tak a chhungte Pathianin awmpui zel se

kan duh tak meuh meuh a ni.

ZORAM LONEITU VOL. 57 NO. 4 : JANUANRY – MARCH, 2013

- 17 -

Pa Taima leh Ei Hmu

PU THANMAWIA

Zawlsei, Field Veng

Pu Thanmawia hi Champhai aṭanga chhim lam km 80 vela hla Zawlsei khua a

ni a, kum 1946-a piang a niin tunah hian kum 67-a upa a ni tawh a ni. A pa hming

chu Thangchuanga a ni. Thingtlang loneiha eizawng, hnathawh nuam ti mi, sawi

pawh phur tak a ni a, an khua hi hnathawh nuam ti khua nia sawi a ni bawk.

Thil chhinchhiah peih mi, record fel taka vawng thlap mi a ni a. Kum 1983

khan in hrang changing lo number pawh anmahni pualin a pawt ve nghal a, Buh leh

Hmarchate an chin pawlh ṭhin. An pahmei berh zual lai leh an nupa chauhva

hnathawktu an nih lai pawhin buh ṭin 3 aṭanga ṭin 5 hmun an veng reng thei a ni. An

thar dan chu a tlangpui thuin kum tin phur 100 (ṭin 300) aṭanga phur 170 (ṭin 510) a

ni. Hetiang hian kum 2007 mau tam thleng khan hma an la ngar ngar a, mau tam

hnuah erawh chuan tlema tha thlah deuhvin phur 60-80 an thar ṭhin.

Buh bakah sum chang thlai, vaihlo, chawhmeh lehn sawhthingte an ching

bawk ṭhin. An buh tharte hi ei seng lo mahse lo neih an ṭhulh phah chuang lo va, Buh

thar nen inhnawh tawng chho zel mahse, ―Vawk a ṭhang duh ting mai a ni‖ a ti. Lo hi

leipui nen hmun hnih hmun thumah te an nei ṭhin a, lam hlat kum leh lo number

pawhchhiatin a tibuai ngai lo.

A nupui Pi Lalthankimi pawh mi taima leh hna duh tak bawk a ni a, a sawi

danin hmahruaitu a ni mah mah awm e. Chawhmeh thlaite chingin Khawbungah a

zuar ṭhin a, kum khatah Rs. 10,000 lai te a lei chhuak ṭhin. An thlai thar man aṭangin

407 Truck an lei a, an enkawl mek. In hrang an chan kum aṭangin hawpkhawp

(kham) thar loh an la nei lo a ni.

MI HLAWHTLING HUANG

ZORAM LONEITU VOL. 57 NO. 4 : JANUANRY – MARCH, 2013

- 18 -

BEKANG RAH SAWNGBAWL DAN LEH

A CHI ŢHA THLAN/DAH ŢHAT

-George Lalthanngura, MAS

Assistant Soil Survey Officer,

Directorate of Agriculture

Bekang hi a Botanical name chu Glycine max a ni a, Agriculture Crops-ah

hian bekawmnei (Pulses) kan tihte zinga mi a nih rualin thlai hriak nei (Oil seeds) -

ah pawh chhiar tel tho a ni. Protein 40% a pai a, hriak pawh 20% a pai tel bawk. Hei

vang hian chaw ṭha tak a ni kan ti thei ang. A hriak pai hi tam hle mahse Mizoramah

chuan a hriak aiin ‗Be‘ a nihna lam hi kan chin chhan a ni mah zawk. Kan la chin tam

tawk loh avangin kan mamawh zat pawh kan thar chhuak lo va, ṭhenawm state

aṭangin kan la chawlut bawk a ni.

Bekang chi ṭha nei tur chuan kan chin tur variety kha a ṭha phawt tur a ni a,

Bekang hi variety (a chi hrang) tam tak a awm a, heng variety hrang hrangte hian

natna leh a tichhetu rannung an do theih dan a inang vek lo va, entirnan, a bi-a

eichhetu (Stem fly) awmnaah chuan JS-335, PK-262, NPC-12 te chin a ṭha. A hnah

leh a rah eichhetu pangang (Tobaco caterpillar) do thei tur bik PS-564 leh PK-42

variety-te a lo awm bawk a. Tin, a kung sehchhumtu keltelaimawm (Girdle beetle) do

thei turin JS-71 chin a ṭha bawk.

Tin, natna do thei Bekang chi ṭha an awm bawk a. A hnah hnuai lam phut

(Rust) do thei turin PK-1024, Indira Soyabean-9 te a awm leh a. Tin, a kung ṭawih

(Stem rot), a hnah val (Myrothecium Leaf spot), a hnah eng (Yellow mosaic) do thei

tur bik Bekang chi ṭha Pusa 16, Pusa 20 te an awm bawk.

Heng Bekang chi ṭha kan swi takte kan chin chuan rannung, a tichhe theitu leh

natna lakah an lo him bik a, chu chuan a chi ṭha leh him a lo chhuah pui thei ṭhin a, a

kum leha chin atan pawh a lo ṭha bik zel a ni.

Seed Treatment : Bekang kan chin hmain a chi chu damdawi hmangin kan

sawngbawl ngei ngei tur a ni. Bekang chi chu tuh hmain Thiram 75% DS 3gm leh

Bekang chi 1 Kg chu nuaipawlh tur a ni. Damdawi nena nuaipawlh tawh Bekang chi

chu Rhizobium Japonicum 5gm leh Phosphate solubilizing bacteria 5gm nen

nuaipawlh leh tur a ni a, tin, Trichoderma viride 3gm leh Bekang chi 1 Kg nuaipawlh

bawk tur a ni. Hetianga Seed Treatment kan tih hian rannung leh a tichhe theitu dang

ZORAM LONEITU VOL. 57 NO. 4 : JANUANRY – MARCH, 2013

- 19 -

lakah an himin thlai a lo ṭo ṭha-in a ṭhang ṭha a, a rah chhuah pawh a lo hlawk bik

ṭhin.

Mizoramah Bekang eisual vanga damlo an sawi kan hre fo ṭhin. Agriculture

Department-in phai lam aṭanga a chi ṭha a chah chhuahte hi damdawi hmanga

sawngbawl vek a nih avangin ei atan a him lo tih kan hriat a ṭha awm e.

A chin leh seng hun : Bekang hi Kharif Season atan ruahtui tlak ṭan May - July

chhoah a chin theih a, Rabi Season atan February – March ah a chin theih bawk.

Thingtlang loah chuan a thehin an theh tlangpui a, a hna a awlsam na-in thlaiin tlar

leh bi a nei mumal lo va, enkawl zui a harsat bakah a thar pawh a hlawk loh phah

ṭhin. Leilet zawla chin a nih erawh chuan uluk taka lei letin a tlar leh bi mumal tak

siam a ni a, hlo thlawh a awlsamin a thar pawhin a hlawk phah ṭhin.

Bekang seng hun chu a hnah a lo en a, a lo tlak kawlh vek hnu, a kung leh a

hnah ro chauh a awm hnuah a seng theih ṭhin. Chem emaw favah emaw hmangin an

zai chhum a, an lakhawm a, hruih zawlah emaw Silpouline chungah emaw pho roin

an vua a, fai takin an thian ṭhin a ni. Bekang seng lai hian fimkhur leh uluk taka tih

tur a ni a, bawlhhlawh leh lei nen a inpawlh tur a ni lo. A fai ṭhat loh chuan eitura

buatsaih leh hralh, a chia dah atan te a iaiawm ṭhin a ni.

Bekang hi a seng hun taka seng a nih chuan a thar pawh a hlawk bik a, hralh

sum atan a hlawk bakah a chi atan pawh a ṭha bik a ni.

A chi ṭha thlan : Bekang kan seng hnu chuan a kum leha chin tur a chi ṭha kan

thlan a ngai a, a chi hmelhem lo leh hrisel kan thlang tur a ni. A sawng deuh leh te

zual deuh te chu kan thlang tel tur a ni lo. A chi hian a thar lehzel turah pawh

kawngro thui tak a sut avangin kan fimkhur hle tur a ni.

Bekang chi dah ṭhat : Bekang hi International Standards Organization-in Food

grains a tithe zinga mi a ni a, Food grains chu thlai rah chang, chil zawh emaw vuak

zawha eitura siam theih mai tihna a ni. Food grains chi hrang hrang te hi ni tina kan

mamawh, hriselnana kan ei te an ni a, Carbohydrates, Fat, Mineral, Vitamin, Protein

leh Fibre kan hmuhna te an ni.

Tichuan, heng Food grains te hi kan seng zawh veleh kan ei zo mai lo va, kan

hralh zo nghal mai bawk lo va, chuvang chuan dah ṭhat leh vawn ṭhat a lo ngai a,

chutiang a nih loh chuan a riral hma a, a chhe hma bawk a, ei tlak loh leh hralh tlak

lo-ah a chang mai ṭhin. Hah taka kan thawh chhuah sa kha riral mai lovin awmze

neiin a ṭha rei tura kan dah ṭhat a lo ngai ta ṭhin a ni.

ZORAM LONEITU VOL. 57 NO. 4 : JANUANRY – MARCH, 2013

- 20 -

Food grains te hian hnawng an pai tam a, chu chu kan tihtlem phawt loh chuan

a tam tham phei chu dah khawl loh tur a ni. A hnawng pai zat hi 12% aiin a sang tur a

ni lo va, hei aia a san chuan a tichhetu rannung chi hrang hrang bakah a hmuar

(Fungus) a lo pung hluai a, a rim te a lo chhe mai ṭhin.

A hnawng pai zat hriat theih dan :

i) Low Temperature Vacuum : Hetiang atana siam Oven-ah 50℃ a sain a

sample an tiro a, a rihna hloh zel tawh lova

a hnawng tihhniamna a ni.

ii) Air Oven Method : Hemi atana siam Oven-ah a sample kha

darkar 1 chhung 133℃ a saah an dah ṭhin.

iii) Electrical Moisture Meter : Hei hi Electric hmang chi khawl a ni a, a

sample kha a chamber-ah an dah a, khawl

khan a hnawng pai tam lam kha a rawn

tilang mai ṭhin.

A chunga kan tarlan takte hi International Standards Organization leh

International Association of Cereal Chemistry te pawhin an hman ber a ni.

A tihro dan : Kan tarlan tawh ang khan Bekang leh Food grains ho reng reng

hi seng hunah dah ṭhat hmain phoro phawt tur a ni a, a hnawng pai kha 12% aiin a

sang tur a ni lo kan tih tawh kha. A tihro dan chi hrang hrang te chu -

i) Nisa-a phoro

ii) Khawl hmanga boruak saa chhemro

iii) Khawl hmang bawka boruak daia chhemro

iv) Bawlhlo (Chemical) hmanga tihro.

Heng kan tarlan takte zinga awlsam leh man tlawm ber chu Nisaa phoro hi a ni

a, Mizoramah pawh kan hman lar ber a ni. Nisaa phoro nan hian pher emaw

silpouline emaw cement chhuat te pawh a hman theih. Kudam-a dah ṭhat hnu pawh

hian a hnawng awm hi eng emaw chen chu a la control theih a, boruak lut leh chhuak

a tam theih nan tukverh emaw ventilation emaw siam ngei ngei tur a ni. Hei hian a

hnawng pai 6% laiin a tihniam ve thei. Tin, Kudam temperature hi 20℃ aiin a sang

tur a ni lo bawk.

Bekang chi dah ṭhat dan : Bekang leh Food grains chi ho hi chi hrang

hrangin a tam dan a zirin a dah ṭhat theih. A tlem deuh chu Buara emaw Polythene

bag emaw, Bawm chhin neiah a dah ṭhat mai theih a, a tam tham erawh chu Kudam-

ZORAM LONEITU VOL. 57 NO. 4 : JANUANRY – MARCH, 2013

- 21 -

ah emaw Concrete chhuatah te an dah ṭhin. Buara leh Polythene bag-a dah ṭhat hi

awlsam mahse Sazu leh rannung lakah a him tawk lo fo.

Mizorama inchhunga dah ṭhat dan tlangpuite chu :-

i) Bekang chi tam tham lem lo chu puana fun emaw tuithawl-a dahin rapah

an rep mai ṭhin.

ii) Buara leh Papuiah an dah bawk.

iii) Thingrem lianah emaw Zemah emaw an dah bawk ṭhin.

Lei hnuaia dah ṭhat hi a awlsamin a senso a tlem naa, chin loh atan a ṭha. A

hnawng pai kha a lo tipung thei a, a chhia a tam phah thei a ni.

Lei chung lama dah ṭhat dan : Hei hi hlawm hnihin a ṭhen theih.

1. Hulhliapa dah : Hulhliapa dah dan chi hrang hrang zingah Bekang dah

ṭhat nana hman ber chu Domestic Metal Bin a ni. Inchhung leh Verandah-a dah chi a

ni a, rangva khawrin tuizem chhin nei angin an siam ṭhin. Sazu leh rannung lakah a

himin hnawng pawh a lut thei lo va, a ṭha hle.

2. Pawn lama dah chi : Pawn lama dah chi hi chi hrang hrang a awm a, chungte

chu -

i) Flat and Hopper Bottom Metal Bin

ii) Composite Bin

iii) Ferro Cement Bin

iv) Pusa Bin te an ni.

Mizoten Food grains tam tham deuh kan dah ṭhat dan hi a him tawk lo fo a,

chuvang chuan him leh ṭha, tlo zawka kan dah ṭhat theih nan Agriculture

Department-a mithiamte rawn ṭhin ni se, tun lai thiamna mil ang zelin kan thlai hrang

hrang te vawnhim leh vawn ṭhat dan i zir zel ang u.

ZORAM LONEITU VOL. 57 NO. 4 : JANUANRY – MARCH, 2013

- 22 -

IMPROVED JHUM

(THINGTLANG LOA HLAWK ZAWKA BUH LEH THLAI THAR DAN KAWNG)

-C. Lalnithanga,

Assistant Plant Protection Officer,

Directorate of Agriculture (CH),

Mizoram, Aizawl

1. A TUM : Mizorama loneitu tam ber te hi leilet nei ve lo, kum tina thingtlang lo

nei ṭhin an ni. Thingtlang lo neih hi a hahthlak avangin hlawk zawka buh leh thlai

thar turin tunlai thiamna hmang ṭangkaia loneitute hah lutuk chhawk zangkhai pah hi

a tum ber chu a ni.

2. HMANRAW MAMAWHTE : Heng a hnuaia mite hi vahsan lak laiin mamawh

tam dan a zirin neih lawk sa diam tur a ni :

a) Thlai kahna bur : Lever Operated Knapsack Sprayer - 16 litres capacity.

b) Hnim tur : (i) Glyphosate 41SL (Glycel, Round up) (ii) 2,4-D Sodium Salt

80WP (Weedash, Cut-off) (iii) Butachlor 50EC (Machete, Punch, Bumper)

(iv) Paraquate Dichloride (Grammoxone, Fire) 24SL.

c) Tui khaina : Bucket pahnih.

d) Thlai chi nena nuai pawlh tur damdawi leh thlai natna damdawi :

Carbendazim 50WP (Bavistin, Rustone), Captan 50WP (Captaf), Mancozeb

75WP (Dithane M45).

e) Rannung thahna hlo : Phosphamidon 40SL (Dimecron), Dimethoate 35EC

(Rogor), Dichlorvos 76EC (Nuvan), Chlorpyriphos 20EC (Tricel),

Carbofuran 3G (Furadan), Phorate 10G (Temik).

f) Buh chi leh thlai chi mamawh tur ang zat.

g) Lei tih ṭhatna (Fertilizers) : Tin khat hmunah Urea 40 kg, DAP 35kg, MOP

25kg pek a tawk.

h) Chempui, Tuthlawh, Chemkawm, Favah.

3. LO VAH : Chhungkuaa hnathawktu tam dan azirin mahni chhungkaw enkawl

tawk tura zau lo vah tur a ni a, a zau lam hi chiang taka hriat theih ni se, eg. ṭin khat

hmun, ṭin hnih hmun etc.

ZORAM LONEITU VOL. 57 NO. 4 : JANUANRY – MARCH, 2013

- 23 -

4. MANGKHAWH : Lo hal zawh veleh mangkhawh a, thlama thing tuah tur

mamawh bak chu changkham atan thing leh mau kan bang zawng chu hman tur a ni.

5. HNIM TUR KAH : Mangkhawh zawhah hian thlai chi thlak rih loh tur a ni a,

hnim a lo ṭiak de ṭhet ta tihah Glyphosate @ 5ml leh tui litre khat chawhpawlh hisap-

in lo pum puiah kah chhuah vek tur a ni. Glyphosate mamawh zat hi lo zau dan azirin

a inang lo thei a, ṭin khat hmun atan Glyphosate litre hnih tal chu inrin tur a ni.

Glyphosate kah zawh hnu hian a theih chuan 2,4-D Sodium Salt @ 5gm leh tui litre

khat chawhpawlh hisap-a kah tur a ni. Hnim tur kah lai hian hnar leh ka puana tuam

tlat tur a ni a, kah laiin engmah eia in loh tur a ni. Kah zawh hnuah fai taka inbual tur

a ni.

6. BUH HMUN LEH THLAI HMUN THEN HRAN : Lo hmun zau berah buh

tuh tur a ni a, a karah Vaimim a tuh theih bawk ang. Heng chawhmeh lam chi -

Maian, Behlawi, Changkha, Samṭawk, Bawkbawn, Anthur, Hmarcha, Fanghma,

Hmazil, Dawnfawh etc te hi a remchang laiah a hmun bik siam tur a ni a, buh karah

tuh reng reng tur a ni lo. Thlai hmun hi thing emaw mau emawa kham hual vek tur a

ni. Hetianga thlai hmun bik siam a ṭul nachhan chu furah hlo thlawh hun vanglaiin

buh leh vaimim hmunah khan hnim tur 2,4-D Sodium Salt kah leh tur a ni a, hei hi

buh leh vaimim hian a haw ve lo a, thlai erawh chuan a haw thung si a. Chuvang

chuan buh leh thlai hmun hi lo hmun khatah khan ṭhen hran ngei ngei tur a ni.

Hetiang hian lo neitu tha chhawk nan a hun takah hnim tur kah tur a ni.

7. THLAICHI LEH DAMDAWI NUAI PAWLH : Buh chi ṭhap fai vek tawh chu

ni saah nilengin pho tur a ni. A hnuah damdawi Carbendazim @ 3gm leh buh chi kg

1 sarang ip chhungah thuna thin pawlh tur a ni. Buh ṭin khat hi 10kg ni ta se la,

damdawi pawlh tur chu 30gm a ni mai. Vaimim chi pawh hetiang hian damdawi nen

nuai pawlh tur a ni.

Thlaichi pawh Carbendazim @ 3gm leh thlai chi kg 1 sarang ip thunin thin pawlh

tur a ni. Hetianga tih hnu hian a hmun tur thlan fel saah khan thlai chi chu saranga

kut tuam chungin tuh nghal tur a ni.

Buh leh vaimim chi chu lo hal hma dan azirin April-ah saranga kut tuam chungin

tuh zawh vek tur a ni. Buh leh thlai chi tuh lai hian engmah eia in loh tur a ni a, tuh

zawhah fai taka kut sil tur a ni.

ZORAM LONEITU VOL. 57 NO. 4 : JANUANRY – MARCH, 2013

- 24 -

8. LEI TIH THATNA PEK : Thlai hmunah Urea, DAP, MOP tlem te te vawm

darh tur a ni. A ṭul dan azirin thlai ṭiak hi feet 1 vela sang a nihin lei tih ṭhatna hi a

bulah phul hlek hlek tur a ni.

Buh leh Vaimim hi a ṭiah kim hun May-ah a theih chuan a bi tinah Fertilizer

thirfiante khat zel phul tur a ni.

9. THLAI EICHHETU RANNUNG LAKA VEN : A theih chuan ni tin buh leh

thlai hmun hi thli thlai tur a ni a, rannungin a eichhia em tih leh natna a kai em tih te

ngun taka en tur a ni. Rannung hi a theih ang tawka tam hmeh hlum tur a ni a, a ṭul

dan azirin rannung thahna hlo kah tur a ni.

10. BUH EICHHETU RANNUNG LEH NATNA LAKA VEN :

(i) Buh ṭiak hlim hi sairil hrik (keltelaimawm te) in a bawm a, a ei rang nasa

thei hle a, chuvangin sairil hrikin buh a bawm chuan a rang thei ang berin

rannung thatna hlo kah tur a ni, e.g. Dimecron emaw Rogor emaw @ 2ml

leh tui litre khat chawhpawlh, Nuvan @ 1ml leh tui litre khat chawhpawlh.

(ii) Buh hnah khawr pangang a awm chuan a chunga mi ang hian rannung

thahna hlo kah vat tur a ni.

(iii) Buh zik thi a awm chuan a chhungah pangangin a seh chhum tihna a ni a,

rannung thahna hlo, a chunga mi ang hian kah tur a ni.

(iv) Buh vuai a awm chuan a zung en vat tur a ni a, a zungah chuan khawmhma

fang tiat vel buh zung dawttu rannung (Rice Root Aphids) a awm ṭhin a, a

chang chuan Tlumpi pawh a awm bawk ṭhin. A ven nan Carbofuran 3G

emaw Phorate 10G emaw a saranga kut tuam chungin buh bul tinah sawh

khat lek lek phul a rih vur tur a ni. Tlumpui suat nan Chlorpyriphos @

10ml leh tui litre khat chawhpawlha buh zung kha leih den den tur a ni.

ZORAM LONEITU VOL. 57 NO. 4 : JANUANRY – MARCH, 2013

- 25 -

(v) Buh a hung chawpa thi thut thut a awm chuan vualin a zung a ei vang a ni.

Vual suat nan Carbofuran 3G emaw Phorate 10G emaw a saranga kut

tuam chungin buh bul tinah sawk khat lek lek phul tur a ni. Fur chhung

zawngin Vual hian buh zung a ei ṭhin a, hei vang hian vual pakhat hmuh

tawh chuan lo pumpuia buh zung bulah Carbofuran 3G emaw Phorate 10G

emaw hi phul chhuah vek tur a ni.

11. BUH PENG INSIAM LAIA HNIM TUR KAH : Buh pen hun lai June aṭanga

August chhung hian buh leh vaimim hmunah a ṭul dan azirin hnim tur 2,4-D Sodium

Salt @5gm leh tui litre khat chawhpawlh kah tur a ni a. Buh bul inkar hnim ṭona lai

fuh ngei tura hnim hi kah tur a ni. Thlai hmunah chuan thlai ṭo hnuah hnim tur kah

reng reng loh tur a ni. Hnim a lo awm a nih pawhin thlawh mai tur a ni.

12. BUH NATNA VEN : Damdawi nena buh chi nuai pawlh hnuah pawh buh natna

a bikin a hnah de (brown leaf spot) a awm thei a, buh pen lai aṭangin buh hnah de hi

thlithlai tur a ni a. A lo awm a nih chuan Carbenzadim @ 2gm leh tui litre khat

chawhpawlh kah tur a ni. Hei hian buh natna dang, a hnah rau natna leh a vui tliak

natna te pawh a veng nghal thei a ni.

13. BUH VUIH LAIA RANNUNG LAKA VEN :

(i) Buh vuih lai hian a fang pum hmain Thlangdarzenin buh vui a dawt ṭhin a,

a ven nan Dimecron emaw Rogor emaw @ 2ml leh tui litre khat

chawhpawlh a kah tur a ni.

(ii) Buh ban (Idaw) hi a vuih lai, a fang pum hma si hian Khuangbaiin a vui

pum lo kha a hip ṭhin a, hei vang hian Khuangbai ven nan rannung thahna

hlo kah tur a ni a, chhehhnawk hnuai te pawh hai a, kah vek tur a ni.

14. SAZU HRAI : Buh tuh lai aṭangin a seng dawn thlengin Sazu a awm chuan

sazu tura hrai tur a ni.

ZORAM LONEITU VOL. 57 NO. 4 : JANUANRY – MARCH, 2013

- 26 -

SUM CHANG THLAI CHIN KAWNGA

RAHBI ŢHENKHAT TE

-V. L. Zidinga Sailo

Assistant Agriculture Inspector,

Directorate of Agriculture (CH),

Mizoram, Aizawl

Sum chang thlai kan tih ber chu thlai engpawh a hnah, a par, a rah leh a bul

hralh theih te hi a ni. Amaherawhchu, sum chang thlai zingah pawh seng hnua chhe

hma chi leh ṭha rei chi a awm a, entirnan Anṭam te, Maian te leh Behlawi hnah te hi

chu a chinna hmun aṭanga lakin rei rial lova hralh nghal vat chi a ni a, hralh har

chuan a hmel a mawi lo va, a lo vuai a, man tlawm zawka dehral a ṭul mai ṭhin.

Tomato pawh hi a hralhna hmun tur hlat leh hnaih dan azirin kan chin duh zawng

variety thlan thiam a pawimawh hle a ni. Hmun hla zawka hralh tur a nih chuan

Tomato variety zingah rau rau pawh a kawr chhah, tui pai tlem, keh har si thlan tur a

ni a. Tomato sauce leh Tomato ketchup siamna atan chuan Tomato kawr pan, tui leh

mu ngah si chin tur a ni. Sum chang thlai zingah pawh be lam leh chana lam chi ho hi

chu seng hnuah a mu chang tak kha rei tak a dahṭhat theih a, hmun hla zawkah pawh

a hralh theih a ni.

Chhungkaw hmasawn nana sum chang thlai chin tur larzual te chu

hengte hi an ni:

1) Kan thlai hmun len lam azirin thlai chin tur thlan thiam a ngai. Sum chang

thlai zingah pawh hmun zim tea thar ṭeuh theih, man man si thlan thiam a

pawimawh. Khawpui chawhmeh hralhna bul hnaiah thlai hmun kan nei a nih

chuan, Bahkhawr te, Dhania te, Lengmaser te, Pudina te leh Vaihmarcha te

chin a ṭha. Ipte pui khat rau rauah heng thlai hi a man a to a, enkawl a awlsam

bawk a, sum chang thlai ṭha tak a ni.

2) Thlai chawm nan tui kan neih ṭhat dan azirah a innghat. Fur lai chauh ni lo,

ṭhal lai pawha tui kang lo thlai chawmna tur a awm chuan a bik takin ṭhal laia

chin theih chi sum chang thlai chin a manhla. Motor chana (Field pea) hi

thlasik laia chin chi a ni a, tui vawi 4 vel pekin a mu no laiin a seng mai theih

a, man to bawk si, enkawl nuam si a ni. Hetiang bawk hian Vaimim te chi, a

fang insiam hmaa seng a, a fu chawhmeh atana hman chi ‗Baby Corn‘ leh

Vaimim thlum ‗Sweet Corn‘ te hi thlasik laia chin chi, tui vawi 4 vel bawk

peka thar mai thei, man to bawk si, sum chang thlai ṭha tak a ni.

ZORAM LONEITU VOL. 57 NO. 4 : JANUANRY – MARCH, 2013

- 27 -

3) Luipui kam, ṭiaupho zau deuh awmna hmunah chuan kumtluanin Maian a chin

theih a ni. Aizawla Maian tam ber pawh hi Tlawng kama Sairang khaw

loneituho thar vek a ni. Fur leh ṭhalah Mai tai thar tum tan pawh luipui kama

chin hi a ṭha duh hle a ni. Bairabi leh Hortoki khaw loneitute pawhin

kumtluanin Maite leh Mai tai hralh tur an thar reng thei a ni.

4) Fur lai hian thingtlang khawi hmunah pawh Maian leh Behlawi, a hnah eitur

chi hi a chin theih a. Mizote chawhmeh duh zawng tak a nih avangin sum

chang thlai enkawl nuam tak a ni. A bik takin Behlawi chi dum kan tih phei hi

chu a chi neih tam chuan March/April-a tuh kha fur ṭantirhah a hnah an sik a,

an hralh zo a, an tuh nawn leh a, favang dawnah an tuh nawn leh bawk a.

Hetiang hian kum khat chhungin vawi thum a chi an tuh a, a hnah an hralh

ṭeuh ṭeuh mai a ni.

5) Fur leh ṭhalah Dry Terrace-ah Buluih/Mula hi a chin theih bawk a. Mi

ṭhenkhat chuan Buluih hnah hi an bai a, an um bawk a, a hralh theih em em a

ni. Chu bakah mi ṭhenkhat chuan a bul var kha an hralh a, a ṭhen chuan a bul

hralh phal lo vin a rah hun an nghak a, a rah no kha man a manin sum lak

luhna ṭha tak a ni bawk.

6) Fur lai hian Changkha te, Maitamtawk te, Berul te, Fur Behlawi te, Bawkbawn

te, Samtawk te, Hmarchapui leh Hmarchate te a chin theih a. A zam chi ho hi

chu a zamna ṭha tak siamin a rah duh hle a, a rah pawh a mar nalh duh bik a

ni.

7) Fur lai hian Hmazil, Dawnfawh, Umei leh Maipawl te a chin theih a. A bik

takin chawhmeh atan Fanghma tuai hi hralh a kal em em a, chuvangin Mizo

Fanghma aiin vai Fanghma, ram hmak mai hi hralh a nuam zawk a, a tuai hlira

hralh tur a ni.

8) Favang tawp lam October thla tirah hian Dawnfawh lian (Hybrid) hi chin tur a

ni. Fur laia chin chuan a ṭawih duh a, a ṭha thei lo. Chuvangin Dawnfawh lian

hi chu nipui laia a rah hralh tura chin tur a ni. A man to si, sum chang thlai,

thei tui tak ni bawk si, hralh nuam tak a ni.

9) Favang tawpah bawk hian lei hnawn laiin Bawrhsaiabe tuh tur a ni a.

February/March-ah hralh a nuam em em a ni. Sum chang thlai ṭha tak a ni.

Amaherawhchu, Bawrhsaiabe hi thlasik a natna hmunah chuan chin loh tur a

ni a, February thla tawp lamah a chi tuh thung tur a ni. Bawrhsaiabe hi khap

ZORAM LONEITU VOL. 57 NO. 4 : JANUANRY – MARCH, 2013

- 28 -

chen a nih aṭangin a rah nghal mai a, ni tin a rah hi lawh tur a ni a, a hralh hun

ṭha ber chu a rah kha elhbun hmak hmak theih a nih hun lai kha a ni.

10) Thlasik lai hian Zikhlum te, Parbawr te, Broccoli te, Carrot te, Buluih te, Bean

te, Knolkhol te, Turnip (Tulbawk hring) te, Beetroot (Bulbawksen) te chin tur

a ni. A bik takin zikhlum hi tui pek ṭhat loh chuan a hlum ṭha thei lo va, a

hlum a ruh thei lo bawk. Chubakah ṭo ruah sur hma ngeia seng a, hralh hman

vek turin zikhlum hi chin tur a ni. To ruahin a hlum a nan vaih chuan natna

hrikin a bawm nghal a, a ṭawih duh em em a ni.

11) Sum chang thlai zinga kumtluana hralh nuam ber leh Mizoten kan ei tam ber

chu Fren Anṭam te, Kauphek te, Tamkawr te leh Tampui te hi an ni. Tamkawr

leh Tampui hi kangvarah a chi theh a, fur laia hralh chi a ni a. Fren Anṭam leh

Kauphek chu kumtluanin, fur lai leh thlasikah a chin theih ve ve a ni.

12) Mizoten kan la hmelhriat vak loh leh kan chin uar vak loh vairam lama an uar

chi chawhmeh tui tak tak tam tak a la awm. Chungzinga ṭhenkhat te chu

Mizoramah pawh a ṭha ve duh hle. Chungte chu – Fenugreek (Methi), Spinach

(Palak), Celery, Bathu, Tuipui Zamzo etc. te hi an ni. A chi kan hmuh theih

phawt chuan hengte hi chin uar ve deuh deuh chi, sum chang thlai ṭha tak a ni.

13) Mizo tualchhuak sum chang thlai, a bik takin ṭhal laia hralh chi hote hi a hmun

mumal tak neia kumhlun chi a ni a. A ngeih leh a ṭhat duhna ram nei tan chuan

heng te hi a hmun siam tur a ni a, sum chang thlai ṭha tak a ni - Zawngṭah,

Kawhtebel, Khanghu, Aidu, Buarpuichempai, Chingit, Phuihnam, Japan

Zawngṭah, Anhling, Vanian leh Behliang.

Sum chang thlai ching turte tana hriattur pawimawh te chu hengte hi an ni:

1) A hma fein thlai chin tur chi (seeds) I mamawh tawk I lo nei ngei tur a ni.

2) I thlai hmun neihnaah chuan tui dahkhawlna (Water Tank) neih ngei a ṭha a, a bik

takin ṭhal lai atan fur ruahtui lo dawnkhawl hi mi fing, lungpui chunga in satu nen

tehkhin theih hial a ni.

3) A theih phawt chuan I thlai hmun awmna a zirin fur thlai chin zawhah ṭhal

thlai/thlasik thlai chin nghal tur a ni.

4) Eng thlai pawh ching dawn la, thlai chi ṭha, ṭo thei ngei, thar hlawk bawk si chin

ngei tur a ni. A bik takin thlai chi zingah pawh a thar hlawk (High Yielding

Variety) leh Hybrid thlai chi hi chin tur a ni a, thlai chi zawrhna dawrah a bawm

ZORAM LONEITU VOL. 57 NO. 4 : JANUANRY – MARCH, 2013

- 29 -

phui ṭha tak, a bawmah pawh a ṭhat hun chhung inziak ang ngeia la chin hman

thlan tur a ni a. Thlai chi ṭha a man a to avangin uluk taka ṭo thei ngeia tuh tur a

ni.

5) Thlai chi zawrhna dawra thlai chi, a bawm ṭha taka awmsa hi chu natna hrik laka

venna damdawi (Seed Treating Fungicides) nena nuaipawlh sa vek a ni a,

ngaihngam taka chin theih mai a ni. Amaherawhchu, Mizo thlai chi, ṭhenawmte

min pek leh mahnia kan lo khawl sate hi chin hmain natna hrik laka venna

damdawi (Seed Treating Fungicides) nen nuaipawlh ngei ngei tur a ni. Chung

damdawi te chu – Mancozeb, Captan, Carbendazim te hi an ni a, heng damdawi

zinga a engemaw ber hi 3gm leh thlai chi kg 1 nuaipawlh hnuah chin tur a ni.

6) Thlai chi thlak hma leh theh hmain lei lehphut vek tawhah emaw, hal fai vek

tawhah hnim tur (Herbicides) kah tur a ni. Hnim tur zingah Mizorama loneitute

hman lar deuh te chu hengte hi an ni – Glyphosate, Paraquate Dichloride,

Butachlor, 2-4D Sodium Salt, Pretilachlor te hi an ni. Thlai ṭo hnuah chuan hnim

tur kah reng reng loh tur a ni.

7) Sum chang thlai reng reng chu hmun zim teah pawh hlawk taka thara, sum

lakluhna atana chin a nih miau avangin a tichhe theitu natna leh rannung laka

ven uluk a ngai em em a. Chuvangin ni tin a ṭiak hlim aṭangin engine nge tichhia,

rannung nge natna thlithlai reng tur a ni. Natna laka thlai ven nan natna damdawi

kah tur a ni a, chung zinga a lar zualte chu hengte hi an ni –Mancozeb, Captan,

Carbenzadim, Metalaxyl, Sulphur, etc. Rannung laka thlai ven nan rannung

thahna hlo hman tur a ni. Rannung thahna hlo lar zualte chu hengte hi an ni –

Phosphamidon, Dimethoate, Quinalphos, Chlorpyriphos, Carbofuran 3G,

Nuvacron, etc. Thlai hmunah Tlumpi a awm chuan Chlorpyriphos kah tur a ni a,

Vual a awm a nih chuan thlai zung bulah Carbofuran 3G hi saranga kut tuam

chungin sawh khat lek lek phul tur a ni. Kan hriat reng tur chu natna vei thlai te

chu a darh zel loh nan kan hmuh hmasak apiang pawha, hal ral tur a ni a, rannung

a lo awm a nih pawhin zingkar dai hul hmain a theih tawka tam kut lawngin

mana hmeh hlum zel tur a ni a. A theih chhung chu rannung thahna hlo leh thlai

natna damdawi hi kah loh tur a ni a, a tawp khawkah a lohtheihloh hunah chauh

kah tur a ni. A bik takin Anṭam, Maian, Behlawi te phei hi chu eng damdawi

mahin kah loh tur a ni.

8) Huan nghet, Terrace leh zawl ṭha pangngai sum chang thlai chinna hmun kan nei

a nih chuan a theih ang tawka tam bawng ek te, ar ek te, vawk ek te, changpat ek

te leh hnim hnah ṭawih te thlai chin hmain theh darha lei nen chehpawlh vek tur a

ZORAM LONEITU VOL. 57 NO. 4 : JANUANRY – MARCH, 2013

- 30 -

ni. Chhungkaw hmasawn nana rahbi ṭha sum chang thlai hi hlawk taka thara sum

tam zawk hai lut turin a ṭul dan azirin heng fertilizer DAP, MOP leh Urea te hi

hman hlek hlek bawk tur a ni.

9) Sum chang thlai hmun chu Motor kawngpuim aṭangin a hnai thei ang ber ni se la,

rang tak leh awlsam taka a hralhna hmun tur bazaar thlen pui zung zung hi a

pawimawh hle a ni.

10) Sum chang thlai chin tur chu Mizote ei duh zawng tak, hralh nuam bawk si, kan

huan lo ram neihna hmuna chin theih bawk si, chhe har leh man man bawk si kan

thlang bawk tur a ni.

11) Sum chang thlai kan hralh tur reng reng chu a bukin buk thlap thlap tur a ni a, kg

1 man fel takin bithliah tur a ni. Tun laia Mizorama bazaar thlai tam tak kan hralh

dan ‗A tel‘ hi inbumna awm thei tak a nih avang leh a tel chhung ril lama a chhia

te an tel tel ṭhin avangin tih tawh loh ni se a ṭha khawp mai.

12) Sum chang thlai hralh tur chu a chhia leh a ṭha thliar hran vek tur a ni. Thlai chi

khat pawh ni se la, a ṭha ṭha kha kg 1 man a to deuh ang a, a chhe deuh a tlawm

deuh ang a, a chhe leh zual phei chu bazarah zawrh reng reng loh tur a ni. Hei hi

tun laia Mizorama thlai zuartuten kan mamawh em em a ni a, sap ṭawng chuan

‗Grading‘ an ti a, Trade & Commerce Department leh Legal Metrology

Department ten dan ṭha tak siamin khauh takin kenkawh ni se la, tichuan sum

chang thlai chingtu, khar chhawngtu leh a leitu mipuite kan lawm tlang dawn a

ni.

ZORAM LONEITU VOL. 57 NO. 4 : JANUANRY – MARCH, 2013

- 31 -

OIL PALM

I CHING UAR ANG U

-H. Neihchhunga

AEO (Hqrs.), Aizawl District

Oil Palm chindan leh enkawl dante mi thiam zawk te hnen aṭangin an sawi leh

ziahte kan chhiarin kan ngaithla fo tawh ṭhin a. Tun ṭumah hi chuan Oil Palm chinuar

a ṭhatna leh ṭulna lam thiam ang angin han tarlan ve ka tum a; tute tan emaw tlem tala

thu a sawi ve takin. Oil Palm chungchang kan luhchilh hmain thuhma ang deuhin kan

ngaihtuahna tizautu atan tunhmaa kan lo kal tawh dan leh insiam ṭhat ngaite thlir

hmasa ila.

Mizoramah hian hun rei tak aṭang tawhin leilung nghah chhana eizawngtute

tan hian abik takin Agriculture Department te, Horticulture Department te, Soil &

Water Conservation Department te, Sericulture Department te hian thlai chin tur chi

hrang hrang, entirnan, Cardamom te, Tung te, Jatropha te, Sapthei te, Aieng te,

Pangpar lam thlengin kuthnathawktute ching uar turin kan zirtir ṭhin a.

Amaherawhchu, heng thlai kan inchintir aṭanga chhungkaw chawmna leh eizawnna

ngialnghet nei thei fa sawi tur an vang hle mai a. Hengte avang pawh hi a ni ang, Oil

Palm chin ṭhatzia kum (nga) 5 aia tam kan hotuten an tlangaupui tawh hnuah pawh

Mizo, incheina lama intihhmuh chak em em hnam hian kan bawh hum hum tawh lo

pawh hi thil mak lutuk a ni awm lo ve. Tun hmaa thlai chi hrang hrang hmanga hma

kan lo lak tawhnaah te hian engvanga hlawhtling em em lo nge kan ni tih hi zawhna

pawimawh tak a ni awm e. A chhan leh a vang sawi tur tam tak a awm ngei ang a,

chumi khami chu a ni ber e tih erawh ngaihdan inang lo karah sawithiam a har hle

ang. Tichuan, a chhan hrang hrang awm thei zingah tlem han tarlang ila.

1. Inbuatsaihna felfai loh vang : In sa tur kan nih chuan insakna atana ṭul leh

mamawh tur hmanrua leh a thawktu tur thlengin ka ngaihtuah lawk vek a, luah tlaka

kan zo ṭhin ang hian eng hna pawh thawk dawn ila, chumi atana ṭul leh mamawh atan

inbuatsaihna fel leh ṭha a pawimawh a, a chhan chu Mizorama kuthnathawktute

innghahna chu fur leh ṭhal awmdanah a ni. Chuvangin, lo vah hun a awm a, thlai chin

hun a awm a, chutiang zelin a dang kan thawh turte pawh a awm a ni. Chuvangin,

ZORAM LONEITU VOL. 57 NO. 4 : JANUANRY – MARCH, 2013

- 32 -

Sorkar leh Department ten kuthnathawktute kaltlanga hma kan lakna turah a tak ram

kan luhchilh hma kum 2 emaw kum 1 emaw la awmah kan inbuatsaih fel vek tur a ni.

2. Awareness uluk tawk loh vang : Mi ṭhenkhat chuan Sorkar hnathawkte hi a

hlawhtlinna pe theitu leh siamtu ber emaw an ti ṭhin a. Kuthnathawktute thawh dan

tur ruahmantu, kaihruaitu leh kawhhmuhtu mai kan ni a. Tuthlawh leh chempui huma

a field-a thawk tak taktute chu loneitute hi an ni a. Chuvangin, kan kut leh ke, kan

hmanruate hian an thawh turah an ching tur a ni a. Chutianga an chian theih nan

chuan Awareness uluk taka neihpui ngei ṭhin tur a ni. Chutianga kan chhum hminte

chauh lo chu sum hmanga hnathawhpui tlak an ni lo. A scheme a tawp a,

sum/ṭanpuina a tawp rualin an tawp ve nghal zel.

3. Kuthnathawktute ṭhanharh tawk loh vang : Kuthnathwktute zingah hian mi

dik leh taima tak tak chu awm bawk mahse, mi tam tak hi chu hlawhtlin tumna aia

ṭanpuina sum leh pai dawn tur chiah ngaihtuah hi kan la tam em em a, Sorkarin

eizawnna ngialnghet an neihna tur atana hnathawhna tur sum leh pai a pekte dik taka

hmang a, an tha, sum leh hun te sen belh a, tipuitlinga a rah sengtu tur nisi te zingah

hian run dala hnathawk ve a, hlawhtlin tum silo, an sum leh pai dawn te pawh eiral ta

mai mai kan la awm ṭhin hi hlawhchhamna kalkawnga min hruaitu an ni bawk.

4. Field Officer/Supervisor te inpek tawk loh vang : Kan hun leh tha,

ngaihtuahna ten tlin loh chin nei bawk mahse, kan theih chin chinah pawh

kuthnathawktu enkawltu tam zawk te hi chu kan inpekna a la nep deuh niin a lang.

Ran te pawhin hmangaihtu leh duattu an hria an ti ṭhin a, ran a kan tihte aia fing zawk

tura ngaih mihringte chuan duhsaktu leh ṭhahnemngaihpuitu chu hriat awm tak a ni a,

a hre lote chu ran aia a an ni mai. Chuvangin, anmahni ṭhahnemngaihpuina tak tak

leh hlawhtlinpui tumna tak tak la awm loh avang te pawh hian hlawhtlinna aia

hlawhchhamna la tam ni te pawhin a lang.

Khawvel ṭhang zelah mihringte pawh kan pung tial tial a, kan mamawh a tam

tial tial a, kan thil duh a sangin a changkang tial tial bawk a, chutih laiin kan

thawhchhuah erawh kan mamawh aṭanga chhut chuan a sang chak lo hle thung si.

India ram State hausate vawm khawm sum leh pai hmangin kan nung ve a, chutih

laiin kan khawsak kan tisang em em a. State angah leh chhungkaw khawsaknaah

pawh keini aia hausa pui pui faten Bus-a chuang a School leh College an kal laiin kan

ZORAM LONEITU VOL. 57 NO. 4 : JANUANRY – MARCH, 2013

- 33 -

fate, hlawh pawh la nei lo, chawmhlawm te chuan Bike leh Scooter, a dahna hmun

indaih lo khawpin kan hawlchhuak chu a ni si a. Kan khawsakna atana thil ngialnghet

leh tlo ai chuan nawmchenna lam kan ngaisang zawk a, hmathlir kan nei tlem hle a

ni. Pathianin mihringte hi leilunga eizawng turin min buatsaih a, ngaihtuahna leh

khawvel thiamna neite tan chuan rim taka kuthna thawk lo va eizawnna kawng erawh

a awm teh meuh mai. Amaherawhchu, chutih laia, a thar chhuaktu nih aia, a

tharchhuaktute zara ei hmuh tum kan tam ta lutuk hi chu ngaihtuah tham a tling. Tun

dinhmuna kan rama thlai tharchhuaktu tam ber hi kum upa lam an ni si a. Kan

ṭhalaite lah hnathawh aia nu leh pate thawhchhuahsa ringa nawmchen mai mai duh

an tam tial tial bawk nen; tun aṭanga kum sawmhnih a lo ral leh meuh chuan tuna tui

tak leh ṭhahnemngai taka thawktute hian mual min lo liamsan tawh ang a, tharchhuah

nei lo vin state dang tharchhuah inchuhin kan buai luai luai ang tih a hlauhawm

khawp mai. Chuvangin, Zoram mipuite hian hun lo kal zel turah keini leh kan tu leh

fate tana innghahna tlak, leilung nghahchhana eizawnna nghet ngaihtuah a hun ta hle

mai. Chutianga ti thei tur chuan Oil Palm chin hi I ngaihtuah teh ang u.

Mizoramah hian chhiarpui hnuhnung berah khan mihring nuai 10 vel lai kan

lo awm ta a. Supply & Consumer te chhut dan chuan kum tin Mizoramah Tel

Kilolitre 7395 ei ral a ni a, chumi atana senso chu local rate-a chhutin Rs.

70,25,25,000/- (Cheng vaibelchhe sawmsarih leh nuai sawmhnih panga leh singhnih

leh sangnga) a nih chu. Mizoramah hian khua 780 vel kan awm a, chumite khua

chuan an thar ṭhaa an intodelh ta e tih a la awm der si lo. Heti zozai mai mi

tharchhuah lei nana kan sum leh pai mi rama a‘n luangliam ṭhin hi a uihawm lutuk a

ni tih kan hriat a va ṭha em. Mizote hian thawnthu ṭha lo tak mai kan nei a, ―Nahaia

chu ni se la a lo ang a, a ei mai tur‖ tiin a hnuaiah a mu zangthal a, a ka a ang a, a lo

tlak hun a nghak ta ang chiah khan mi ram leh state ten an tih theih, keini pawhin kan

tih ve theih reng si, tih nachang hre lo va, mi thawh chhuahsa ei tum a, ka lo ang reng

ringawt tur chu kan ni bik lo tih kan hriat a hun ta hle mai.

OIL PALM CHIN CHU ENG NGE A ŢHATNA

Oil Palm chin ṭhatna hetiang hian lo thlir hmasa ila –

1. India ram State hausate thawhkhawm, khawngaihna avanga kan dawn ve ṭhin,

State dang tharchhuah Oil lei nana a luangliam tam lutuk hi a uihawm a, kan ramah

Money Circulation (Pawisa vir vel) a lo tam theih nan pawh kan thar chhuah ve ngei

hi a ṭul em avangin.

ZORAM LONEITU VOL. 57 NO. 4 : JANUANRY – MARCH, 2013

- 34 -

2. Hralhna a awm ngei dawn avangin : Tun hmaa thlai kan inchintir tam tak

kha chu buaipui tham kan thar loh avang leh Company lian ten MoU te sign-a min

buaipui ngai loh avangin beidawnna pawh a lo awm thei a. Oil Palm hi chu Company

lian pathum te MoU kan Sorkar nen an signed bakah a ṭiak zawng zawng anmahni‘n

min buaipuisak nghal a. Tin, insengsoin a thar hmasa an lei bawk a, factory te pawh

siam turin hma an la mek bawk a. Chuvangin, a hralhna lamah buaina a awm a

rinawm loh a ni.

3. Enkawl a hahdam : Thlaidang kan chin tam tak hi chu a rah kan seng duh

chhung zawng chu thlawhfai a enkawl a ngai ṭhin a. Oil Palm hi chu kum 4/5 hnuah

chuan kum 30 chuang a rah tawh dawn a, a hralh bak hna a wm tawh lo va, a hahdam

em em a ni.

4. Rukru lakah a him bik : Kan thlai chinte hi enkawl an hautak bakah, a lo thar

ta cheng a, sum leh tha senga hahpui ve loten min ṭawmpui zel mai hi thlai chingtute

beidawnna pakhat a ni. Chuvang chuan kei ngei pawh hian ruahmanna ka siam duh

ngai lo va, amaherawhchu, Teak hi chu a rit em mai a, an ru peih lo vang tiin ka

ching ve a, chu pawh min la ruk sak duh tho mai. Mi ruk khawm sa lungawi taka lei

duh an tam si a, beidawn thlak tak a ni. Oil Palm hi chu Company-ten a chingtute tan

Account hawnsak vekin a man an lo dahsak mai dawn a ni. Oil Palm nei lo ten lo ru

ve ngawt pawh ni se, a ei mai theih si loh a, an hahthlawn dawn tihna a ni mai.

5. Mizo te rilru mil a ni : Mizote hi a tlangpuiin mi hmanhmawh kan ni a. Kan

thlai tharte sawngbawl chiam hi kan peih lo tlangpui. A rah a ni emaw, a hnah a ni

emaw, a bul a ni emaw, lawha hralh mai hi kan duh dan leh thiam dan a ni a.

Chuvangin, Oil Palm hi lawh a, hralh mai theih chi a nih avangin kan rilru mil zawng

tak a ni.

Oil Palm chin chu eng nge a hlawkna

Oil Palm hi Hectare khat, ṭin 2½ hmunah kung 143 a chin theih a, a rah theih

hun kum 4 aṭang chuan a hnah kau tin aṭanga a rah bawr awm tura ngaih a ni a.

Chungte chu thla tin kung tin aṭangin bawr khat lawh theih tura ngaih a ni bawk. Tin,

a ṭhatna hmunah chuan bawr khatah a rah Kg 40 chuangte a awm thei bawk a.

Amaherawhchu, chutiang vek chu a nih dawn loh avangin a rah bawr khat hi Kg 20

ni tur angin chhut ta ila, kung 143-ah chuan thla khatah Kg 2860 a awm thei dawn

ZORAM LONEITU VOL. 57 NO. 4 : JANUANRY – MARCH, 2013

- 35 -

tihna a ni a. Kum khatah chuan Kg 34320 lawh tur a awm thei dawn a, chu chu Kg 1

Rs, 4.75 hisapa hralh chuan kum khat chhungin Rs. 1,63,020/- kan lei chhuak thei

dawn tihna a nih chu.

Ram Hectare 2 leh a aia tam enkawl peihte chuan hemi let zel hi an tel dawn

tihna a ni mai. A rah lawh khawm leh factory-a phurh thlen nan cheng sing tam sen a

ngai dawn si lo va, chuvangin, kum tin cheng nuai hnih, nuai thum a tlem berah kum

30 chhung tel tur a ni tawh mai a. Chuvangin, Oil Palm chin uar hi Economics-a

Mizoram dam hmana ber tur zinga mi a ni e.

ZORAM LONEITU VOL. 57 NO. 4 : JANUANRY – MARCH, 2013

- 36 -

SRI LEH IP-A BUH CHINGTUTE MAMAWH

BUH CHI ŢHA

- Lalnunmawia, AEO

N. Vanlaiphai

Kan nu leh pa, kan pi leh pute chuan zirthiamna lam ngaihtuah miah lo vin,

Radio leh T. V lamah pawh beng chhi lo vin an hmaa tihtur awmte chu ṭha taka hlen

chhuah an tum ṭhin. Training chi hrang hrang, Farmers‘ Field School tih vel te chu

mumangah pawh man ngaihna a la awm lo. Heti chung hian an buh phun tur atan

chuan a chi ṭha leh hrisel neih an tum hram hram ṭhin. Buh an seng paw‘n a hmin ṭha

lai chu a chi atan an zuah a, a hmin uai hnap hun an nghak hram hram ṭhin. Tun lai

thiamna hmanga hmasawnna ang hi la phak ve lo mahse an rilru zawng zawng, an tha

leh zung leh theihna sang ber hmangin buh an lo ching a, a kum telin hma an lo sawn

ve hret hret thei ṭhin a ni. Tun laia ṭhangtharte chu an vannei tawh em em a, kan zir

leh kan zawn hah pawh ngai lovin tunlai thiamna leh theihna chuan kan in lumah kan

mamawhte chu min rawn chhawpsak tawh a ni ti ila kan sawi sual tamin ka ring lo.

TV aṭangin a thu mai ni lo vin, a thla nen min entir a, Radio-ah thiam tak takin an

sawi a, a ziak hrang hrang chhiar turin min hum hawntir a, kan in lumah heng

―Zoram Loneitu‖ te hi min rawn sem leh zel bawk a ni. Farmers‘ Training te,

Farmers‘ Field School te min neih puiin kan mamawh tinreng min zirtir a, hengah

hian DA tiin pawisa faite min la hum hawtir thul, kan vanneihna hi chhut ngun ila

lawmna tur chu kan hre ngeiin ka ring.

Mizoram Sorkar hnuaia Agriculture Department chuan SRI leh Improved

Method-a buh chin a hlawkzia leh a ṭhat thu nasa takin min zirtir a, hetianga ching tur

hian min rawn a, ṭanpuina pawh hmanrua leh pawisa faiin min pe a, min pek zel

pawh an inhuam em em a ni.

SRI hi Mizoram hian kum 2008 aṭang khan kan lo enchhin ve tawh a, mi

thiamte zitirna ang taka ti vete chuan an zawngchhang hle tawh a ni. He tih mek lai

hian ṭhatpui ve chuang lo, chin tuma ching leh ngam ta lote pawh an awm tih hriat a

ni a, a pawi hle mai. Hei hian chhan chi hrang hrang a nei ngei ang, a chhan chi hrang

hrang zinga pakhat chu a chi kui hlawhchhamna hi a ni. SRI emaw IP emawa buh

kan chin chu zai khat leh zai hnih lek leka phun tur a ni si a, buh ṭiak ningnel lutuk, a

ZORAM LONEITU VOL. 57 NO. 4 : JANUANRY – MARCH, 2013

- 37 -

zung thlak pawh ṭha tawk lo chu ngaihngam taka zaikhat leh zaihnih phun chu har

tak a ni. Hetiang buh ṭiak ṭha tawk lote hi chu zai li zai nga vel lo chuan phun ngam a

har ṭhin avangin SRI leh IP-a phun tumte paw‘n an pamṭul ṭhin a lo ni.

SRI hmanga buh kan chin dawn chuan a chi kui kan uluk a ngai em em a ni.

Buh chi kuang 1 metre-a zau, a sei lam chu mamawh tawk, lei haipawna siam tur a

ni. A sir chu a chim mai loh nan thing emaw mau phel emawa dawl tur a ni. A lei

pawh dip ṭha tak, rual taka hrut ni se, ran ek leiṭha (FYM) emaw hnim hnah ṭawih

leiṭha emaw dip leh rual ṭha taka phul ni se, buh chi chiah uingho sa chu damdawia

bual phawt hnuah rual taka theh tur a ni. Buh chi theh zawhah leiṭha bawka phul leh

a, buhpawl emaw di emawin khuh tur a ni. Zing leh tlaiah tui leihna (watering can)

hmanga tui pek ṭhin tur a ni. He thu hi kan WRC beneficiaries-te kan zirtir dan a ni a,

a ngaihvente chuan a ziak pawh an kawl thlip thlep a ni. Hetiang zirtirna zawmte hi

chuan buh ṭiak phun tura harsatna an neih a rinawm loh. Thenkhatte erawh chuan tun

thlengin ―Kan buh chi duhthu a sam lo va, chuvangin SRI leh IP-in kan phun lo mai‖

an ti a ni. Tin, hei bakah hian ―Kan buh chi kui a rual ṭha lo va, a ṭo kim lo va, ka

indaih lo‖ ti an awm bawk. Heng mite hian buh chi kui an uluk lo lutuk a ni, an leilet

bial remchang lai an let tawp tawp a, an buhzema buh rut chawpin damdawi pawha

bual lo vin an kui tawp a, tui pek leh enkawl zui em em pawh awm lo vin a

phun/pawh theih hun awmah phun turin an inbuatsaih chawt ṭhin. Buh chi tur te chu a

ṭhen rannungin an lo ei a, tui a hmuh ṭhat loh avangin a lei a lo char lutuk a, zung a

thlak ṭha tawk lo va, pawh zawngin a bung ṭhen bawk nen, zai khat emaw zai hnih

emaw te tea phun atan chuan a sitawm deuh ta ṭhin a ni. Kum tam tak leilet lo nei

tawh, nu leh pa aṭanga inrochung tawh si te pawh hetiang mai maia thil ti duh kan la

awm hi chu a zia lo hle mai. Tin, buh chi kui hun hi chhut ngun a ngai bawk. Mi

ṭhenkhatte chuan an leileta buh phun theih hun tur chhut lo vin buh chi an kui tawp a,

tui an neih har avangin a phun theih mai ta lo va, an buh chi kui a lo upa hman lutuk

bawk a ni. SRI atan chuan buh ṭiak ni 12 aia upa lo tur a nih laiin ni 20 te nghah a

ngaih chuan a fail sa der a ni mai. Hetianga buh kui hi an awm a ni. SRI hmanga buh

ching tur ka hmuh pakhat chuan a buh chinna tur a sawisak theih ta tihah buh chi a

kui a, ni sarih chhungin a phunna tur a buatsaih peih hman a, a seedling-te chu ni

hnih ni thum a‘n nghak upa leh te te a, tichuan a phun chauh a ni. Hemi hian kum

2010 a buh chin pangngaia phur 10 a tharnaah kum 2011 khan SRI Method-in a

ching a, phur 25 lai a thar theih phah a ni.

Tunah hian SRI leh IP-a buh ching turte hriat atan, buh chi kui dan thar, N.

Vanlaiphai a kan hmuhchhuah, han tarlan ve hi ṭhain ka hria a, Zoram Loneitu

ZORAM LONEITU VOL. 57 NO. 4 : JANUANRY – MARCH, 2013

- 38 -

kaltlang hian ka‘n hrilh ve ang che u. SRI method-a buh chingtu Pu HC

Chhuanvawra chuan TV aṭangin Japan hovin buh ṭiak phun tur, motora an phurh lai

leh a phunna hmun tura an hlang thla lai a hmu fuh hlauh a, chu chu ―Japan Method‖

a ti ve hmiah mai a ni. Amah mi thil chik mi, kut themthiam si a nih avangin a siam

ve hmiah a, 2010 khan a hmang a, a zawngchhang a, kumin 2011 khan a hmang leh

a, kum dang zel atan pawh chang dang kan a tum tawh lo. A lo hre fuh vete pawhin

hetiang hi an hmang ve ṭan tawh a ni.

A SIAM DAN : Thingphek inches hnih leh achanve vela hlai feet khat leh a

chanve bial velin tray siam tur a ni. Thing phek, parcel hlui leh thingzai bung hman

mai theih a ni a, a chhuat phahah chuan rangva te, dap leh thildang lei dawl thei

remchang angte hman mai tur a ni. Hetiang plate/tray 30 hi ram hectare 1-a buh phun

tur kui nan a tawk vel ang.

SRI leh IP Method a buh phun hi fimkhur a ngai bik em em a ni. A ṭiak pawh

leh phun inkar hi minute 15 aṭanga minutes 30 aia rei lo tur a ni a, chuvangin kan

leilet a zauh a, a sei phei chuan buh phun sawn hi thil buaithlak tak a ni dawn a,

chuvangin nursery bed pawh hi hmun hrang hranga siam a ngai ṭhin a ni. Tin, buh chi

ṭiakte chu dimdawi takin rangva phek emaw, krandi emawa lawk tur a ni, chu chu

tray emaw, kho emaw thleng emawa chawi sawn tur a ni.

Heng a chunga kan sawi zawng zawng thlir phei hi chuan plate/tray-a buh kui

mai hi remchang tak niin a lang. A ṭhatna/remchanna te 10 sawi ila:

(i) Leilet zawlah kher, hmun ṭha awhin buh chi kuina siam a ngai lo. Hmun

remchang apiang, thlam kawt velah te emaw, enkawl awlsamna hmunah siam/dah

theih vek a ni. TV-a a lan dan phei chuan hmun dang daiha an kui kha motor-in a

phunna tur lamah an phur mai a ni. Sacrament semna tray ang deuh hian a ke neiin an

chher chhuan ur thei a ni.

(ii) Tray-ah lei pantea kui a nih avangin phun dawnah rangva phek emaw, krandi

emawa lawk hran a ngai lova, kutin phun chawpin hmun leh hmunah a pawh zung

zung theih a ni. Pawh aṭanga minute 15 aṭanga minute 30 chhunga phun tur tihah

buaina a awm ve lo, pawh aṭanga second hnih khat lekah phun nghal mai theih a ni.

A tawpna atan kan hriat nawn leh ka duh chu, kan thlai chin tur reng reng a

chi-ah duhtui nachang hria ang u. SRI leh IP-a buh ching turte phei chuan seedling

ZORAM LONEITU VOL. 57 NO. 4 : JANUANRY – MARCH, 2013

- 39 -

thlan uluk lehzual ila, a phun dan hrim hrim pawh ṭhenkhat chuan kan hmanhmawh

lutuk a, ni hnih khat leka phun zawh hram kan tum kher a, hlawhfate kan ruai a, a nih

dan tur angin thil a kal lo ṭhin a ni. Buh ṭiakte chu lei diak ṭha tak, mahse tui chim loh

vah 1-2 cm (1 inch) leka thuka phun tur a ni. Uluk taka buh ṭiak hi leiah a zung

hmawr chung lam hawi lovin, a khamphei (horizontal) tur a ni. Buh ṭiak ṭha leh hrisel

tak, a hun taka, a phun dan tur dik taka kan phun chuan kan hlawhtling ngei ang. A

bul ṭan ṭhat chu a tawpna pawh a ṭha ṭhin si a.

ZORAM LONEITU VOL. 57 NO. 4 : JANUANRY – MARCH, 2013

- 40 -

Kan Chetvelna

1. Ni 6 & 7 December, 2012 khan EEI, Jorhat-ah ATMA-KVK Interface neih a

ni a, he hun hmang hian Pu Rohmingthanga Colney, Deputy Director (Extension) leh

Pu Lalengliana, SDAO, Champhai te an tel a, ATMA leh KVK te thawhhona chung-

changah Mizoram leh Nagaland te chu a ti ṭha berte zinga mi kan nih thu report a ni.

2. Ni 14 December, 2012-a Chief Secretary hova NLUP zirchianna nei turin

FAO & University of Minnesode aṭanga Study Group an lo zin.

3. January ni 14, 2013 (Thawhṭanni) khan Vanapa Hall-ah ‗Kuthnathawktute Ni‘

hman a ni a. He hunah hian NLUP Beneficiary ti ṭhate hnenah lawmman pek a ni.

4. January ni 14, 2013 (Thawhṭanni) vek hian Pu K.S. Thanga, Parliamentary

Secretary, Agriculture chuan Champhai-ah ‗Kuthnathawktute Ni‘ a hmanpui.

5. Ni 10 & 11 January, 2013-a Regional Workshop on CSS & Training Planning

for NE Region, College of Vety Science, AAU, Khanapara-a neihah Pu Rohming-

thanga Colney, Deputy Director (Extension) chu telin Mizorama ATMA Scheme

kalpui dan tlangpui report a pe a, Department of Agriculture & Cooperation, Ministry

of Agriculture pawhin Mizoram hmalakna chu ṭha an ti hle.

6. Ni 18.12.2012-a Agriculture Today te buatsaih, New Delhi-a Round Table

Talk hmangin Chief Minister Pu Lal Thanhawla, Agriculture Minister Pu H.

Liansailova, Principal Secretary (Agriculture) Pu Lalram Thanga leh kan Director Dr.

C. Lalzarliana te an kal. Agriculture Today hi Agriculture lama National Paper lian

ber a ni a. Kum 2013 January thlaa Mizoram Agriculture chanchin Special-a chhuah

an tum avanga Round Table Talk hi buatsaih an ni.

7. Central Sorkar-in norms thar a rawn siam angin Farm Mechanization

chungchangah Custom Hiring System hman ve tum a ni a, Farming Society rintlak

pathum – Zawlpui FMC Serchhip, Phaizau Farming Society Champhai leh N.

Vanlaiphai Farming Society te enchhin tum a ni.

8. Ni 21.1.2013-a Technical Workshop on ‗Location Specific Advances in Rice

Production for NE Hills Region‘ CAU, Manipur-a neihah Pu B. Ramnunsanga, SMS

(Agro) leh Pu R. Vanlalchhuanga, AEO te an tel.

ZORAM LONEITU VOL. 57 NO. 4 : JANUANRY – MARCH, 2013

- 41 -

9. Ni 4.12.2010 aṭanga Thawhṭanni apianga Directorate-a Agriculture Officers

Meeting neih ṭan chu ni 28.1.2013 khan a vawi 100-na atan neih a ni a, Pathian

hnenah lawmthu sawia ṭawngṭaina hun hman a ni.

10. Sairanga Demonstration on Diversified Cropping System neih mek chu Pu H.

Joela, Deputy Director (Soil Survey) chuan a tlawh. He demonstration hi 21

November, 2012 aṭanga ṭan niin thlai chi hrang hrang 8 – Field Pea, Fenugreek, Beet

leaf, Pakchoi, Belgium Cabbage, Cauliflower, Broccoli leh Drum head Cabbage te

chin pawlh chhin a ni.

11. Ni 15.1.2013 khan New Delhi-ah President of India hnen aṭangin Pu H.

Liansailova, Agriculture Minister, Mizoram chuan Krishi Karman Award (Comm-

endation Award) a dawng. He Award hian Citation leh pawisa fai Rs. 25,00,000 a

keng tel. He award hi Mizoram-in kum 2010-11 aia kum 2011-12 chhunga buh leh

bal a thar ṭhat leh thar pun tam zawk avanga dawng kan ni. Award dawngtu Minister

hi Dr. C. Lalzarliana, Director of Agriculture (Crop Husbandry) chuan a ṭawiawm.

12. Ni 6-8.2.2013 chhung khan Dr. C. Lalzarliana, Director of Agriculture (Crop

Husbandry), Pu R.K. Nithanga, Deputy Director (Oil Palm) leh Pu Tlangtimawia

Zote, Insecticide Analyst/Technical Officer to Director te chuan Mamit District

fangin Oil Palm chingtu – Pu Zakaptluanga leh Pu Rosangzuala te Oil Palm huan an

tlawh a, SDAO Office, Zawlnuamah Bungṭhuam, Zawlnuam leh a chheh vela Oil

Palm chingtute nen inkawmhona an nei bawk.

13. Ni 8.2.2013 khan Pu Lalrinliana, Joint Director of Agriculture leh Pu R.K.

Nithanga, Deputy Director (Oil Palm) te chuan W. Serzawla Oil Palm chingtu – Pu

Rozuala, Pu Ramthanga leh Pu Kapṭhuama te tlawhin an Oil Palm hmun pawh an

tlawh. An Oil Palm te hi a ṭha hle a, Show Piece atan enkawl tum a ni.

14. Loneitu, research scholar te leh chhiartute tana ṭangkai tur he Department

hmalakna tar chhuahna lehkhabu English Version-a chhuah tum a ni a, a bu hmingah

‗Mizoram Agriculture Towards Food Security’ tih vuah a ni. He lehkhabu hi April

2013 chhunga tihchhuah hman beisei a ni.

15. February ni 19, 2013 khan Rotlang Farm (Chhumkhum)-a Oil Palm Mill

bunna tur lungphum Pu H. Liansailova, Agriculture Minister chuan a phum. Hemi ni

vek hian Chawngtea Treasury Office thar chu Minister hian a hawng bawk.

ZORAM LONEITU VOL. 57 NO. 4 : JANUANRY – MARCH, 2013

- 42 -

16. February ni 20, 2013 khan Lawngtlaia District Agriculture Office sak thar chu

Pu H. Liansailova, Agriculture Minister chuan a hawng bawk.

17. February ni 21 & 22, 2013 khan Agriculture Conference Hall, Aizawl-ah EEI,

Jorhat nena ṭangkawpin MAMETI chuan Off Campus Training on ‗Approaches and

Tools of Project Management‘ a buatsaih a. He training-ah hian ATMA District tin

aṭangin Officer leh Extension Functionaries 27 lai an tel. EEI, Jorhat aṭangin Miss B.

Lalrosiami Khully leh Miss Pallabi Das, Research Associate te chu training Resource

Person te an ni.

18. February ni 28, 2013 khan Agriculture Committee Room-ah Oil Palm

Stakeholders Meeting neih a ni a. He hun hmang hian Directorate of Oil Palm

Research aṭangin Dr. S. Arulraj, Director leh Principal Scientist 3 – Dr. P. Kalidas,

Dr. M.V. Prasad leh Dr. B.N. Rao te an lo kal a, Partner Companies aiawh leh

Farmers aiawh te an tel bawk.

19. Council of Indian Industries buatsaih March ni 1-4, 2013 chhunga Guwahati-a

North East Farm & Food Tech 2013 hmang tura kal Pu J. Rothanga, SO-cum-SA

kaihhruai, loneitu paruk te chu a hun an lo sawn avangin ICAR Complex, Barapani

tlawhpui an ni. He North East Farm & Food Tech 2013 hi April ni 20-22, 2013

chhunga hman tura sawn a ni.

20. Pi Kaphliri, Bungkawn-te chhungkuain Dihmun-zawla an loah tun thlasik laia

Rabi Sweet Corn an chin hlawhtling tak chu ni 8.3.2013 khan Agriculture Director

hovin seng a ni a, he an Sweet Corn chin aṭang hian Rs. 1,00,000/- zet an lei thei

dawn niin a hriat a. Hetianga loneitu hlawhtling te hi chhinchhiaha Central lamah

pawh remchangah recommendation tihsak tura ruahman a ni.

21. Ni 21.3.2013 khan District tina loneitu 3 ṭheuh thlan chhuahte chu Directorate

aṭanga Official 3 te nen Pi R. Lalramhluni, SMS (PP) kaihhruaiin Directorate of Oil

Palm Research, Pedavegi, Andhra Pradesh leh Palode, Kerela tlawh turin an kal.

ZORAM LONEITU VOL. 57 NO. 4 : JANUANRY – MARCH, 2013

- 43 -

Keimahni

A. Transfer & Posting

Ni 21.2.2013 leh ni 19.3.2013-a Sorkar Notification chhuah angin heng a

hnuaia mite hi transfer an ni.

Sl. Name & Designation Present Place of Posting New Place of Posting

No.

1. Pu B. Lalhmuchhuaka, SDAO Khawzawl Sub-Division SMS (RS), DAO Office

Champhai.

2. Pu C. Lalzarliana, SMS (SS) DAO Office, Saiha Instructor ITC, Hnahthial

3. Pu R. Zoramthanga, SMS (F) Directorate SDAO, Kawrtethawveng

4. Pu V. L. Hmangaihchhuanga, DAO Office, Serchhip SMS (F), Directorate

SDAO

5. Pu P.C. Lawmsanga, SDAO Tlabung Sub-Division Instructor, ITC, Hnahthial

6. Pu K. Laltlanmawia, AEO DAO Office, Serchhip Dte, of Agri. (Crop Husbandry)

7. Pu T. Lalhmingmawia, AEO DAO Office, Champhai DAO Office, Mamit

8. Pu M. S. Dawngliana, AEO W. Phaileng Circle Thingsulthliah Circle

9. Pu Lalnunmawia, AEO N. Vanlaiphai Circle Farm Manager, Neihbawih Farm

10. Pu V. Zamliana, AEO Farm Manager, Neihbawih Farm N. Vanlaiphai Circle

11. Pi Lalzarzovi, AEO DAO Office, Champhai Dte. of Agri (Crop Husbandry)

12. Pu V. L. Buanga, AEO SDAO Office, Zawlnuam DAO Office, Aizawl

B. KAISANG

Ni 21.2.2013 leh ni 15.3.201-a Sorkar Notification chhuah angin heng a

hnuaia tarlante hi MAS Grade V (AEO & equivalent posts) aṭangin MAS Grade IV

(SDAO and equivalent posts)-ah an kaisang :

ZORAM LONEITU VOL. 57 NO. 4 : JANUANRY – MARCH, 2013

- 44 -

Sl. Name of Officer New Place of Posting Remarks

No.

1. Pu R. Hranghrima SMS (Agro), DAO Office Vacant

Mamit

2. Pu R. Vanlalchhuanga SDAO, Khawzawl Vice B. Lalhmuchhuaka transferred

3. Pu K. Vanlalrema Instructor, ITC, Hnahthial Vacant

4. Pu Ngurrinsanga Sailo SMS (SS), DAO Office, Vice C. Lalzarliana transferred

Saiha

5. Pu S. Chinzah SDAO, Tlabung Vice P. C. Lawmsanga transferred

C. New Appointment :

Ni 19.3.2013-a Sorkar Notification chhuah angin heng a hnuaia mite hi MAS

Grade V (AEO & equivalent posts) atan lak thar an ni :

Sl. Name of Incumbent Place of Posting Remarks

No.

1. Zohmingmawii DAO Office, Kolasib Vacant

2. Malsawmdawngkima DAO Office, Saiha Vacant

3. Lalrindiki DAO Office, Champhai Vice T. Lalhmingmawia, transferred

4. Mana samte DAO Office, Lawngtlai Vacant

(Heng MAS Grade V tharte hi Zoram Loneitu Editorial Board chuan a lawmpui rualin ram

tana theihtawp chhuaha an thiamna leh theihna hmang turin duhsakna a hlan).

D. Pension :

Heng kan thawhpuite hian Agriculture Department-a an thiamna, finna leh

theihnte an hman tawh hnuin February ni 28, 2013 khan Superannuation Pension-in

min lo chawlhsan ta.

1) Pu R. T. Nghaka, Additional Secretary, Agriculture

2) Pu C. Romawia, Deputy Director (Administration), Directorate of

Agriculture (C. H)

ZORAM LONEITU VOL. 57 NO. 4 : JANUANRY – MARCH, 2013

- 45 -

3) Pu K. Vanlalrema, Instructor, ITC, Hnahthial

4) Pu K. Sianglinga, AEO, Lunglei

5) Pi Basanti Bhattacherjee, Peon, DAO Office, Aizawl

E. Kan Thawhpui kaltate :

Heng kan thawhpuite hian chatuan ram min lo pansan ta a. An kalsan tak, an

chhungte Pathianin thlamuan zel rawh se.

Sl. No. Hming Designation Thih Ni

1. Pu Lalrinfela M. R. Driver 9.12.2012

2. Pu Lalsangvunga Ralte G/S Zawlnuam 18.12.2012

ZORAM LONEITU VOL. 57 NO. 4 : JANUANRY – MARCH, 2013

- 46 -